MARISIKALO TILE 23-29
ESAYI 48-49
Dɔnkili 89 ani delili | Ɲɛbilakumaw (miniti 1)
1. Jehova lamɛnni b’an nafa
(miniti 10)
Jehova b’a batobagaw kalan (Esa. 48:17; it-F “Enseignant, Enseignement” § 2).
An ka kan k’a latigɛ ka Jehova lamɛn (Esa. 48:18a; ijwbq barokun 44 § 2-3).
An ka hɛrɛ bɛna kɛ “i ko baji”, an ka tilennenya na kɛ “i ko kɔgɔji kuruw” (Esa. 48:18b; w22.08-JL 30 § 16-17).
O KƆRƆ YE MIN YE: Heburukan bɛ “hɛrɛ” ɲɛfɔ nin cogo la: kɛnɛya lakika, lakana, hakilisigi, ka kɛ hɛrɛ la, teriya, ani ka i yɛrɛ bɛɛ di.
2. Ɲinini kɛ ka dɔnniya sɔrɔ Bibulu kɔnɔ
(miniti 10)
Esa. 49:8: Nin kiraya kuma in bɛ dafa cogo suguya saba jumɛn de la? (it-F “Temps agréé” § 1-3).
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Esa. 48:9-20. (th kalansen 11)
4. Baro daminɛ mɔgɔw fɛ
(miniti 3) SENFƐ SEEREYA. I somɔgɔ dɔ min farifagalen don alako ta fanfɛ, o wele ka na jɛmukan kɛrɛnkɛrɛnnen ni hakilijigin lajɛ la. (lmd kalansen 5 tomi 3)
5. Segin-ka-bɔnyew kɛ
(miniti 4) SENFƐ SEEREYA. Mɔgɔ dɔ b’a fɛ ka na hakilijigin lajɛ la. Ko minnu bɛna kɛ o lajɛ sen fɛ, olu ɲɛfɔ a ye. (lmd kalansen 9 tomi 3)
6. Segin-ka-bɔnyew kɛ
(miniti 5) SENFƐ SEEREYA. Hakilijigin lajɛ bannen kɔ, mɔgɔ dɔ ka ɲininkaliw jaabi. (lmd kalansen 8 tomi 3)
Dɔnkili 107
7. Don min nafa ka bon ni donw bɛɛ ye san kɔnɔ, i ka kan ka mun de kɛ walisa ka nafaba sɔrɔ o la
(miniti 15) Baro.
Ni an bɛ taa hakilijigin lajɛ la san o san, o la an b’a jira ko an bɛ Yesu kanminɛ ani k’an ka waleɲumandɔn jira ka ɲɛsin Jehova ka nilifɛn ma ni o ye kunmabɔ sara ye (Luka 22:19). Ka fara o kan, o bɛ cogoya fana di an ma k’an miiri ko Jehova ni Yesu b’an kanu kosɛbɛ (Gal. 2:20; 1 Yuh. 4:9, 10.) . An ka kan ka mun de kɛ walisa k’an dusukun labɛn hakilijigin lajɛ kama ani k’an ka waleɲumandɔn jira ka ɲɛsin Jehova ma, ale min ye kunmabɔ sara di? An bɛ segin ka taa bɔ minnu ye, an bɛ se ka olu dɛmɛ cogo di?
Don o don Bibulu yɔrɔ kalantaw hakilijigin waati la, olu kalan ani i hakili jagabɔ u kan.
I hakili jagabɔ kunmabɔ sara kan ani ka i ka waleɲumandɔn jira ka ɲɛsin o nilifɛn ma i ka ɲɛnamaya kɛcogo fɛ.
I sen don kosɛbɛ mɔgɔw weleli la, i kɛtɔ ka i dɔnbagaw, i somɔgɔw ani i sigiɲɔgɔnw bɛɛ wele ka na jɛmukan kɛrɛnkɛrɛnnen ni hakilijigin lajɛ la.
Mɔgɔ minnu nana hakilijigin lajɛ la u kunbɛn ni nisɔndiya ye. I ye minnu wele ni u nana i mago don u la i kɛtɔ ka i sigi u kɛrɛfɛ.
Minnu nana hakilijigin lajɛ la, olu ka ɲininkaliw jaabi.
Mɔgɔ minnu farifagalen don alako ta fanfɛ, olu kunbɛn ka ɲɛ. Nka mɔgɔ minnu labɔra jɛkulu kɔnɔ, diinɛ maakɔrɔw ka kan ka olu kunbɛn ka ɲɛ kɛrɛnkɛrɛnenya la.
Nin wideyo jira: ‘Min tununna, Yesu nana o ɲini k’a kisi.’ O kɔ, nin ɲininkali kɛ mɔgɔw la:
Mɔgɔ minnu ye waajulibaara ani lajɛw taali jɔ, olu ka kan ka kunbɛn ka ɲɛ cogo min na, i ye kalan jumɛn de sɔrɔ ka bɔ o la nin wideyo in kɔnɔ?
8. Jɛkulu ka Bibulukalan
(miniti 30) lfb kalansen 72-73.