Sagagɛnna minnu bɛ u seko bɛɛ kɛ walisa ka Jehova ka mɔgɔw dɛmɛ

Kuntigiya bɛ minnu bolo, mɔgɔ caman tɛ dannaya da olu kan. An bɛ se k’a faamu kun min na u t’o kɛ. Kabini lawale la, mɔgɔ caman ye baara kɛ ni u ka kuntigiya ye cogo jugu la walasa ka u yɛrɛw nafa ɲini. (Mise 7:3) An bɛ waleɲumandɔn jira jɛkulu diinɛ maakɔrɔw ko la. Se min dira u ma ka jɛkulu ɲɛminɛ, u kalanna walasa u ka baara kɛ ni o ye ka ko ɲuman kɛ Jehova ka mɔgɔw ye.—Esiteri 10:3; Matiyu 20:​25, 26.

Danfara bɛ faamaw ni diinɛ maakɔrɔw cɛ. Diinɛ maakɔrɔw bɛ u ka baara kɛ iko lakɔlɔsibagaw bawo u bɛ Jehova ni a ka mɔgɔw kanu. (Yuhana 21:16; 1 Piɛrɛ 5:​1-3) Yesu ka ɲɛminɛli kɔrɔ, o sagagɛnnaw bɛ weleweledalaw kelen-kelen bɛɛ dɛmɛ u k’a ye ko u sen bɛ Jehova batobagaw ka denbaya la ani ka u dɛmɛ u gɛrɛlen ka to Jehova la. U b’u teliya ka dusu don Jehova ka sagadenw kɔnɔ ani ka u dɛmɛ ni banaw walima kasaaraw cunna u kan. Ni i mago bɛ dɛmɛ na, kana sigasiga ka o fɔ i ka jɛkulu diinɛ maakɔrɔ dɔ ye.—Yakuba 5:14.

NIN WIDEYO LAJƐ: SAGAGƐNNA MINNU BƐ U JANTO SAGAKULU LA, O KƆ AW KA NIN ƝININKALI NINNU JAABI:

• Mariana ye nafa sɔrɔ cogo di dɛmɛ na diinɛ maakɔrɔw ye min di?

  I ka jaabi

• Elias ye nafa sɔrɔ cogo di dɛmɛ na diinɛ maakɔrɔw ye min di?

  I ka jaabi

• I kɛlen kɔ ka nin wideyo in filɛ, i bɛ mun de miiri ka ɲɛsin diinɛ maakɔrɔw ka baara ma?

  I ka jaabi