AN KA ƝƐNAMAYA KƐ IKO KRECƐNW
I ka dannaya barika bonya ka ɲɛsin Ala ka Kuma ma
Ala ka Kuma bɛ se ka an ka ɲɛnamaya yɛlɛma. (Heburuw 4:12) Nka o Kuma bɛ ɲɛminɛli, bilasiraliw, ani laadilikan minnu di, walasa an ka nafa sɔrɔ olu la, fo an ka da a la ko Kuma in ye “Ala ka kuma” de ye tiɲɛ yɛrɛ la. (1 Tesalonikekaw 2:13) An bɛ se ka an ka dannaya barika bonya ka ɲɛsin Bibulu ma cogo di?
Don o don, i ka Bibulu yɔrɔ dɔ kalan. Ka i to o yɔrɔ kalanni na, daliluw ɲini minnu b’a jira ko Jehova de ye Bibulu Tigi ye. Misali la, laadilikan minnu bɛ Ntalenw kitabu kɔnɔ, olu sɛgɛsɛgɛ ani k’a jateminɛ o kitabu ka hakilitigiya bɛ waleya cogo min na an ka ɲɛnamaya la bi donw na.—Ntalenw 13:20; 14:30.
Bibulu sɛgɛsɛgɛli ko sigi sen kan. Dalilu minnu b’a jira ko Bibulu bɔra Ala yɔrɔ, a ɲini ka olu dɔn kosɛbɛ. Jehova Seerew ka ɲininikɛ minɛn min ye Guide de recherche pour les Témoins de Jéhovah gafe ye, “La Bible” (Bibulu) yɔrɔ ɲini o kɔnɔ ani ka “Inspirée par Dieu” (“Kɛra a sɛbɛnnikɛlaw kɔnɔ Ala dafiɲɛ fɛ”) yɔrɔ ɲini o dugumana na. I bɛ se fana ka i ka dannaya barika bonya walasa ka d’a la ko Bibulu cikan ma yɛlɛma i kɛtɔ ka kunnafoniw sɛgɛsɛgɛ minnu bɛ sɔrɔ nin yɔrɔ la: “Bibulu sera an ma cogo min na” (g-F 11/07 12).
NIN WIDEYO LAJƐ: KUN MIN NA AN DALEN . . . BƐ ALA KA KUMA NA, O KƆ AW KA NIN ƝININKALI NINNU JAABI:
Misirakaw ka batofɛn so dɔ kogo kɔrɔlen yera Karnak, Misira jamana na, o y’a jira cogo di ko Ala ka Kuma ye tiɲɛ ye?
An b’a dɔn cogo di ko Bibulu cikan ma yɛlɛma?
Bibulu kisira cogo min na ka bɔ a kɛlɛbagaw bolo, o b’a jira i la cogo di ko Bibulu ye Ala ka Kuma de ye?—Esayi 40:8 kalan