An ka deliliw nafa ka bon kosɛbɛ Jehova bolo

Jehova bɛ sɔn delili minnu ma, olu bɛ iko wusulan suma duman min tun bɛ jeni a ɲɛkɔrɔ tuma bɛɛ Alabatosoba kɔnɔ. (Zaburu 141:2) Kanuya ani waleɲumandɔn min bɛ an na ka ɲɛsin an sankolola Fa ma, ni an bɛ o jira a la, ka an ka jɔrɔnankow ni an diyanyekow fɔ a ye, ani ka a ka ɲɛminɛli ɲini, an b’a jira o fɛ ko teriya min bɛ an ni a cɛ, ko o nafa ka bon an bolo kosɛbɛ. Tiɲɛ don ko, an bɛ delili kunkurunnin minnu kɛ an ka jamalajɛw la, Jehova bolo, olu ye an ka bato yɔrɔ nafama dɔ ye. Nka Jehova bɛ nisɔndiya kosɛbɛ ni an bɛ an dusukun dayɛlɛ ka an hakilinataw ni an kɔnɔkow bɛɛ fɔ a ye an yɛrɛw ka deliliw kɔnɔ waati jan kɔnɔ!—Ntalenw 15:8.

NIN WIDEYO LAJƐ: NE TIMINAN KA DI ALA DELILI LA, O KƆ AW KA NIN ƝININKALI NINNU JAABI:

• Baara sugu jumɛnw de kalifara balimakɛ Johnson ma Jehova ka baara la?

• Balimakɛ Johnson y’a jigi da Jehova kan cogo di delili kɔnɔ?

• I ye kalansira jumɛnw sɔrɔ balimakɛ Johnson ka kow la?