Jehova tɛ ɲinɛ an ka baaraba kɛlen kɔ

Tuma dɔw la, an bɛ se k’a miiri ko an ye baaraba min kɛ mɔgɔ tɔw ye, ko u ma nafa don o la ani ko u ɲinɛna o kɔ teliya la. An bɛ baara min kɛ Jehova ye, o dun? An ka Ala min bɛ mɔgɔw waleɲumandɔn, o tɛ ɲinɛ abada an ka cɛsiriw kɔ an ye minnu kɛ ni kɔnɔnajɛya ye walasa ka a bato. An tun bɛ to ka baara min kɛ kɔrɔlen, hali ni an tɛ se ka o kɛ bilen an ka kɛnɛyako gɛlɛya kosɔn, Jehova tɛna an bila.—Heburuw 6:10.

NIN WIDEYO LAJƐ: JEHOVA TƐ ƝINƐ, O KƆ AW KA NIN ƝININKALI NINNU JAABI:

• Balimakɛ Hibshman ye baaraba kɛ cogo di baara suguya caman na Jehova ka baara la?

• Sira jumɛnw fɛ Jehova y’a jira ko a ma ɲinɛ balimakɛ Hibshman kɔ a muso ka saya kɔfɛ? Jehova y’o jira cogo di tuma min na balimakɛ in tɛ se ka baara kɛ iko kɔrɔlen k’a sababu kɛ kɔrɔya ye?

• Balimakɛ Hibshman y’a ka ɲɛnamaya bɛɛ kɛ Jehova ka baara la, mun na an bɛ se k’a fɔ ko, o y’a fɛntigiya?—Ntalenw 10:22