A’ye wariko gɛlɛyaw muɲu ni dannaya ye

Gɛlɛya caman bɛ yen sisan nin diɲɛ laban tilew la. Ikomi an bɛ ka surunya nin diɲɛ laban waati la, siga t’a la ko gɛlɛyaw barika bɛna bonya ka ta’a fɛ. Tuma dɔw la, a bɛ se ka kɛ ko an magoɲɛfɛn dɔw bɛ an jɛ. (Habakuk 3:16-18) Mun de bɛna an dɛmɛ an ka wariko gɛlɛyaw muɲu ni dannaya ye? An ka kan ka ta’a fɛ ka an jigi da an ka Ala Jehova kan. A ye layidu ta ko a b’a janto a batobagaw la, ani an ka gɛlɛyaw mana kɛ fɛn o fɛn ye, an mago bɛ min na, a bɛ se ka o di an ma.—Zaburu 37:18, 19; Heburuw 13:5, 6.

I bɛ se ka min kɛ:

• Jehova sɛbɛkɔrɔ deli a ka i ɲɛminɛ, ka hakilitigiya di i ma, ani ka i dɛmɛ.—Zaburu 62:9

• I ma deli ka baara minnu kɛ, sɔn ka olu kɛ. —g-F 1/10 8-9, Encadrés

• Delinanko ɲuman minnu bɛ an na alako ta fan fɛ, an ka ta’a fɛ ka to ka olu kɛ, i n’a fɔ Ala ka Kuma kalanni don o don, lajɛw taali matarafali ani ka to ka waajuli kɛ

NIN WIDEYO LAJƐ: AW YE SO JƆ MIN BƐNA TO YEN—“MIN BƐ AW BOLO, O KA AW WASA”, O KƆ AW KA NIN ƝININKALI NINNU JAABI:

• Nin wideyo in kɔnɔ, denbaya dɔw ye gɛlɛya jumɛnw de sɔrɔ?

• Fɛn jumɛn de nafa ka bon ni fɛn bɛɛ ye ɲɛnamaya kɔnɔ?

• Wariko gɛlɛya bɛ minnu na, an bɛ se ka olu dɛmɛ cogo di?