Bibulukalandenw dɛmɛ u ka se sɔrɔ delinanko juguw kan

Minnu saniyalen bɛ jogo ta fan fɛ, olu dɔrɔn de bɛ se ka jɛɲɔgɔnya sɛbɛ don u ni Jehova cɛ. Ni Bibulukalandenw bɛ ka se sɔrɔ delinanko juguw kan, u ko bɛ se ka diya u ka denbaya kɔnɔmɔgɔw ye, o bɛ se ka fisaya u ka kɛnɛya ma ani o bɛ se ka u nafa bolofɛnko ta fan fɛ.

Jehova ka sariyakolow jogo ta fan fɛ, o sariyakolow dili kunw ani Bibulukalandenw bɛ nafa minnu sɔrɔ ni u ye o sariyakolow waleya, o ɲɛfɔ u ye ka jɛya. I jija ka i ka Bibulukalandenw dɛmɛ u k’u miiricogo yɛlɛma, o la, Jehova b’a fɛ u ka fɛn minnu kɛ, u bɛna se ka olu kɛ. (Efesekaw 4:22-24) U hakili latigɛ ko ni Jehova ka dɛmɛ ye, u bɛna se ka se sɔrɔ delinanko juguw kan u bɛ to ka minnu kɛ kabini tuma jan. (Filipekaw 4:13) U dege u ka to ka Jehova deli ni delilibaw ye ni jurumu kɛli nege ganna u la. Ko minnu kɔnɔna na a bɛna gɛlɛya u ma ka ko ɲuman kɛ, u dɛmɛ u ka o kow dɔn ani ka u yɛrɛ tanga o kow ma. Ko minnu bɛna nɔ ɲumanw bila u la, dusu don u kɔnɔ u ka o kow bila delinanko juguw nɔ na. I bɛna nisɔndiya sɔrɔ ni i y’a ye ko Bibulukalandenw bɛ ka se ka yɛlɛmaw kɛ Jehova ka dɛmɛ sababu la.

NIN WIDEYO LAJƐ: AW YE AW KA BIBULUKALANDENW DƐMƐ U KA SE SƆRƆ DELINANKO JUGUW KAN, O KƆ AW KA NIN ƝININKALI NINNU JAABI:

• 

  Diinɛ maakɔrɔw ani Neeta y’a jira cogo di ko u dalen bɛ Jade la?

• 

  Neeta ye dɛmɛ wɛrɛ lase Jade ma cogo di?

• 

  Jade ye dɛmɛ ɲini Jehova fɛ cogo di?