Kalansira minnu bɛ sɔrɔ Samuɛl ka ɲɛnamaya ko la

Samuɛl tora kantigiya la Jehova kɔ a ka ɲɛnamaya bɛɛ kɔnɔ. Denmisɛn Samuɛl ma sɔn ka ko jugu kɛ iko Eli denkɛw, Hofini ni Fineɛs. (1 Samuɛl 2:22-26) Samuɛl ɲɛnatigɛra, wa Jehova tora a fɛ. (1 Samuɛl 3:19) Tuma min na a kɛra cɛkɔrɔba ye, a taara a fɛ ka Jehova bato ni kantigiya ye hali ni a denkɛw tun tɛ ka o kɛ.—1 Samuɛl 8:1-5.

Samuɛl ka misali bɛ se ka an kalan mun de la? Ni i ye funankɛnin ye, i ka da a la ko gɛlɛya minnu bɛ i kan ani o bɛ ka min kɛ i la, ko Jehova bɛ olu faamu. A bɛ se ka i dɛmɛ i ka kɛ jagɛlɛn ye. (Esayi 41:10, 13) Ni i ye bangebaga ye, ni i den tɛ ka Jehova bato, i ka dususaaloli sɔrɔ k’a dɔn ko Samuɛl tun tɛ se ka a denkɛ kɔrɔbalenw diyagoya u ka tugu Jehova ka sariyaw kɔ ni kantigiya ye. A ye o kow bɛɛ to Jehova bolo, nka ale yɛrɛ tora kantigiya la ani ka a yɛrɛ kodiya a sankolola Fa Jehova ye. Laala i ka misali ɲuman bɛna i den bila a ka segin ka na Jehova ma.

WIDEYO LAJƐ MIN TƆGƆ YE KO, KALAN SƆRƆ U FƐ—SAMUƐL, O KƆ AW KA NIN ƝININKALI NINNU JAABI:

• 

  Samuɛl denmisɛnma ye jagɛlɛya jira cogo di?

• 

  Danny ye jagɛlɛya jira cogo di?

• 

  Samuɛl cɛkɔrɔbalama ye misali ɲuman di cogo di?

• 

  Danny bangebagaw ye misali ɲuman di cogo di?