Danfɛnw bɛ an ka dannaya barika bonya ka ɲɛsin Jehova ka hakilitigiya ma

Yala Jehova b’a dɔn tuma bɛɛ fɛn min ka ɲi an ma wa? Siga t’o la! Ni an dalen b’o la, an bɛ hakilitigiya jira ni an bɛ tugu a ka ɲɛminɛli kɔ. (Ntalenw 16:3, 9) Nka dannaya min bɛ an na ka ɲɛsin Jehova ka ɲɛminɛli ma, o dannaya bɛ se ka kɔrɔbɔ ni a ka ɲɛminɛli ni an yɛrɛw hakilinata tɛ kelen ye. An bɛ se ka an ka dannaya barika bonya ka ɲɛsin Jehova ka hakilitigiya ma an kɛtɔ ka hakilijagabɔ kɛ a ka danfɛnw kan.—Ntalenw 30:24, 25; Romɛkaw 1:20.

WIDEYO LAJƐ MIN TƆGƆ YE KO YALA A DILANNA DE WA? MƐNƐMƐNƐNINW BƐ U YƐRƐ TANGA ANBUTEYAZI MA COGO DI? O KƆ AW KA NIN ƝININKALI NINNU JAABI:

• Mɛnɛmɛnɛninw fanba delinako ye mun ye don o don?

• Mɛnɛmɛnɛninw bɛ u yɛrɛ tanga anbuteyazi ma cogo di?

• U bɛ u yɛrɛ tanga anbuteyazi ma cogo minnu na, a bɛ fisaya hadamadenw ka o fɛn jumɛnw ladege?

WIDEYO LAJƐ MIN TƆGƆ YE KO YALA A DILANNA DE WA? FƐN ƝƐNAMANIN MIN TƆGƆ YE, BOURDON TUBABUKAN NA, O BƐ PAN BASIGI KƆNƆ COGO MIN NA, O KƆ AW KA NIN ƝININKALI NINNU JAABI:

• Hadamadenw bɛ gɛlɛyaw jumɛnw sɔrɔ ni u bɛ ka awiyɔn fitininw boli?

• Bourdon bɛ pan basigi kɔnɔ cogo jumɛn na?

• Bourdon dilanna ni o fɛn min ye, hadamadenw bɛ se ka nafa bɔ o la cogo di don dɔ la?

Aw ka yɔrɔ la, i ye dalilu jumɛnw ye danfɛnw la minnu bɛ Jehova ka hakilitigiya jira?