A ɲini ka mɔgɔw dusukun sɔrɔ

Ala kanminɛli bɛ bɔ dusukun de la. (Ntalenw 3:1) O kama ni an bɛ ka mɔgɔw kalan, an ka kan ka an seko kɛ walasa ka u dusukun sɔrɔ. An bɛ se ka o kɛ cogo di?

I kana dan dɔrɔn ka i ka kalanden kalan Bibulu tiɲɛw la. Nka a dɛmɛ a k’a faamu a ka fɛn kalanta bɛ nɔ min bila a ka ɲɛnamaya la ani fana a ni Jehova cɛ jɛɲɔgɔnya la. A dɛmɛ a k’a faamu Bibulu sariyakolow bɛ Ala ka kanuya, a ka ɲumanya ani a ka tilennenya jira cogo min na. To ka ɲininkaliw kɛ a la ni fɛɛrɛ ye walasa k’a dɛmɛ a k’a hakilinata fɔ fɛnw kan a bɛ ka minnu kalan. A dɛmɛ a k’a hakili jagabɔ nafaw kan a yɛrɛ bɛ minnu sɔrɔ ni a ye jogo jugu dɔ walima delina jugu dɔ dabila. Ni i y’a ye ko i ka kalanden bɛ Jehova kanu n’a dusukun bɛɛ ye, dɔ bɛ fara i ka nisɔndiya kan.

WIDEYO LAJƐ MIN TƆGƆ YE KO, KA MƆGƆW KƐ KALANDENW YE NISƆNDIYA MIN B’O LA, A ƝINI KA O SƆRƆ—AW KA AW SEKO BƐƐ KƐ, AW KƐTƆ KA—A ƝINI KA MƆGƆW DUSUKUN SƆRƆ, O KƆ AW KA NIN ƝININKALI NINNU JAABI:

• 

  Mun na Neeta ye Jade ɲininka ko: “An tun ye baro kɛ min kan ntɛnɛndon, i miiri la o la wa?”

• 

  Bibulu sariyakolow b’a jira cogo min na ko Jehova bɛ Jade kanu, Neeta y’a dɛmɛ cogo di a ka o faamu?

• 

  Cogo min na Jade bɛ se k’a jira Ala la k’a b’a kanu, Neeta y’a dɛmɛ cogo di a ka a hakili jagabɔ o kan?