A’ye aw ka furu lakana

Jehova bɛ furu layidu ta sɛbɛ la. A y’a fɔ ko furucɛ ni furumuso ka to ɲɔgɔn fɛ. (Matiyu 19:5, 6) Furu duman caman bɛ Jehova ka mɔgɔw cɛma. O bɛɛ n’a ta, furu si dafalen tɛ. Gɛlɛyaw bɛ na. Hakilina min ye ko, ni gɛlɛyaw donna furu kɔnɔ, furuɲɔgɔnmaw ka fara ka bɔ ɲɔgɔn na ani ka furusa kɛ, ko o de ye o gɛlɛyaw ɲɛnabɔ cogo ye, an mankan ka o hakilina suguw don an na. Krecɛn furuɲɔgɔnmaw bɛ se ka u ka furu lakana cogo di?

An ka fɛn nafama duuru lajɛ.

1. A’ye aw dusukun kɔlɔsi aw kɛtɔ ka aw yɛrɛw tanga nin fɛnw ma: Filɛli kɛcogo min bɛna ni jaarabi ye ani ɲɛnajɛ minnu bɛ jogo juguya kan, bawo o fɛnw bɛ furu barika dɔgɔya de.—Matiyu 5:28; 2 Piɛrɛ 2:14.

2. A’ye aw ni Ala cɛ jɛɲɔgɔnya barika bonya ani nege min bɛ aw la ka aw kodiya Ala ye aw ka furu kɔnɔ, a’ye o barika bonya.—Zaburu 97:10.

3. A’ye ta’a fɛ ka jogo kura don aw la ani ka to ka ɲumanya wale dɔw kɛ minnu bɛ kow nɔgɔya aw furuɲɔgɔn bolo.—Kolosekaw 3:8-10, 12-14.

4. A’ye to ka kumaɲɔgɔnya ɲuman kɛ ani k’o kɛ bonya kɔnɔna na.—Kolosekaw 4:6.

5. Aw bɛɛ ka kan ni min ye, aw ye o kɛ ɲɔgɔn ye tin ni kanuya kɔnɔna na.—1 Kɔrɛntekaw 7:3, 4; 10:24.

Ni krecɛnw bɛ bonya da furu kan, u bɛ bonya da a jusigibaga kan, o min ye Jehova ye.

WIDEYO LAJƐ MIN TƆGƆ YE KO AN KA KAN KA “BOLI NI JIJALI YE”—AN KA BOLI SARIYAW BATO O KƆ AW KA NIN ƝININKALI NINNU JAABI:

• 

  Hali ni furu bɛ se ka daminɛ ka ɲɛ, gɛlɛya sugu jumɛnw de bɛ se ka na a kɔnɔ?

• 

  Minnu hakili la ko kanuya tɛ u ka furu kɔnɔ bilen, Bibulu sariyakolow bɛ se ka olu dɛmɛ cogo di?

• 

  Jehova ye sariya jumɛnw de sigi furu ko la?

• Walasa furu ka ɲɛ, furuɲɔgɔnma fila ka kan ka mun de kɛ?