An ka ta’a fɛ ka baara kɛ ni sɔn-ni-sɔn gafeninw ye

Kabini san 2018, an ka sɔn-ni-sɔn gafenin minnu bɛ di foro la, olu bɛɛ kelen kelen bɛ kuma barokun dɔ de kan. O gafeninw bɛɛ sen bɛ an ka Mɔgɔw kalanni baarakɛminɛnw la. O la, an bɛ se ka baara kɛ ni u ye waajuli la. An bɛ se fana ka to ka u dɔw ta an bolo ni an bɛ taa dugu la walima ni an bɛ taa an ka ci misɛnw kɛ. Sɔn-ni-sɔn gafeninw ma dilan walasa ka Bibulukalan kɛ mɔgɔw kun, nka u bɛ se ka mɔgɔw bila u k’a ɲini ka fɛn caman dɔn Ala ko la.

Baro daminɛnen kɔ, Bibulu tɛmɛsira dɔ kalan ani ka kuma sɔn-ni-sɔn gafenin dɔ barokun dɔ kan min bɛ se ka baro nege don a tigi la. Misali la, n’a tigi bɛ ka denw lamɔ walima ni a ka mɔgɔ dɔ sara walima ni jɔrɔnanko dɔ b’a kan, i bɛ se k’a fɔ ko: “Ne ye barokun ɲuman dɔ kalan o kan kɔsa in na. N’bɛ se ka o jira i la wa?” Kabini aw ka ɲɔgɔnye fɔlɔ la, ni i y’a kɔlɔsi ko o diyara a tigi ye, i bɛ se ka sɔn-ni-sɔn gafenin kelen di a ma walima ka a ci a ma a ka masinimafɛn kan. Hali ni sɔn-ni-sɔn gafeninw dili tɛ an kuntilenna fɔlɔ ye, o gafeninw bɛ se ka an dɛmɛ ka mɔgɔw sɔrɔ minnu b’a fɛ ka wale kɛ ka kɛɲɛ ni u ka fɛn kalannen ye.—Kɛwalew 13:48.

San 2018

San 2019

San 2020