I seko damajira kɛ Jehova ye

5:5-7, 11

Bonya min ye ka bɛn kɛ i ni Jehova cɛ, faantanya tun tɛ mɔgɔ si bali Israɛl kɔnɔ ka o bonya sɔrɔ. Hali faantanyaba tun bɛ Israɛlka minnu na, olu tun bɛ se ka saraka bɔ, Jehova bɛ sɔn min na, ka kɛɲɛ ni u seko damajira ye. U tun bɛ se ka mugu di, nka Jehova tun b’a ɲini u fɛ o ka kɛ mugu “tɛntɛnnen” ye, u tun bɛ to ka min kɛ ka bonya da dunanw kan. (Jenɛse 18:6) Bi fana, Jehova bɛ sɔn an ka “tanuli sarakaw” bɛɛ la ɲuman ma, an bɛ se ka minnu di ka kɛɲɛ ni an yɛrɛw ka kow cogoyaw ye.—Heburuw 13:15.

Nin bɛ se ka dusu don e kɔnɔ cogo di n’a y’a sɔrɔ ko i tun bɛ min kɛ kɔrɔlen, i tɛ se ka o bɛɛ kɛ sisan k’a sababu kɛ ko i tɛ kɛnɛya la sisan ka fɔlɔ ta bɔ walima ko fanga bɛrɛ tɛ i la?