An ka an seko bɛɛ kɛ forobaara la—An kɛtɔ ka seereya di kamera walima intɛrfɔni fɛ

MUN NA O NAFA KA BON: Tɛknolozi yiriwali ani kojugubaw cayali y’a to mɔgɔ caman bɛ kamera ani intɛrfɔni kɛ u ka so daw la lakana kossɔn. A bɛ se ka kɛ ko an bɛ siran ka kibaru duman fɔ mɔgɔ ye, an tɛ se ka min ye, k’a sɔrɔ o tigi bɛ se ka an ye. Hakilijigin nata ninnu bɛna an dɛmɛ an jigi sigilen ka seereya di kamera walima intɛrfɔni fɛ.

AN BƐ SE KA O KƐ COGO MIN NA:

• Hakilina ɲuman sɔrɔ. Kamera walima intɛrfɔni bɛ barokɛɲɔgɔn minnu fɛ, a bɛ diya olu caman ye ka kuma an fɛ

• A’ye aw hakili to a la ko kamera dɔw b’a daminɛ ka aw kan ta k’a sɔrɔ aw ma sonneri kɛ fɔlɔ. O la, ni aw sera dɔrɔn aw barokɛɲɔgɔn ka so da la, a bɛ se ka aw ye ani ka aw ka kumaw mɛn

• Ni barokɛɲɔgɔn ye jaabili kɛ, a’ye kuma kamera walima intɛrfɔni na i n’a fɔ aw ɲɛ b’a tigi la aw ɲɛ kɔrɔ. A’ye yɛlɛmisɛnw kɛ ani ka aw bolow lamaga iko aw bɛ to k’o kɛ cogo min na kɔrɔlen. N’a tigi tun bɔra ka na aw ɲɛ kɔrɔ, aw tun bɛna min fɔ, a’ye o fɛn kelen fɔ. Ni kamera bɛ yen, aw kana aw ɲɛda gɛrɛ kojugu. Ni barokɛɲɔgɔn ma jaabili kɛ, aw kana mesazi foyi bila

• Hali aw tilalen kɔ kuma na, a’ye aw hakili to a la ko barokɛɲɔgɔn bɛ se ka ta’a fɛ ka aw ye halisa ani ka aw ka kumaw mɛn