Laban surunyara, aw sinsinnen ka to

MUN NA O NAFA KA BON: An ka jagɛlɛya ani dannaya min bɛ an na ka ɲɛsin Jehova ma, sɔɔni siranyɛ ko dɔw bɛna olu kɔrɔbɔ i n’a fɔ o ɲɔgɔn ma deli ka kɛ cogo min na. Tɔɔrɔba bɛna daminɛ ni diinɛ nkalonmaw halakili ye. (Matiyu 24:21; Jirali 17:16, 17) O waati ɲagaminnen kɔnɔna na, a bɛ se ka kɛ ko an bɛna kiritigɛ cikan gɛlɛn de lase. (Jirali 16:21) Magog ka Gog bɛna an kɛlɛ. (Ezekiɛl 38:10-12, 14-16) Walasa ka a ka mɔgɔw lakana, Jehova bɛna “Ala Sebaayabɛɛtigi ka donba kɛlɛ” daminɛ. (Jirali 16:14, 16) Walasa ka an ka jagɛlɛya kologɛlɛya ka ɲɛsin o ko nataw ma, fo an banbannen ka to kantigiya la Jehova kɔ kabini sisan ni an ka dannaya kɔrɔbɔra.

AN BƐ SE KA O KƐ COGO MIN NA:

• An ka Jehova ka sariyakolo kɔrɔtalenw jogoɲumanya ta fan fɛ lafasa ani ka taama ka kɛɲɛ ni u ye.—Esayi 5:20

• An ka ta’a fɛ ka Jehova bato ni an balima krecɛnw ye.—Heburuw 10:24, 25

• An kana bila ka suma kɛ Jehova ka jɛkuluba ka ɲɛminɛliw waleyali la.—Heburuw 13:17

• Jehova ye a ka mɔgɔw kisi cogo min na waati tɛmɛnnenw na, an ka an hakili jagabɔ o kan.—2 Piɛrɛ 2:9

• An ka Jehova deli ani ka an jigi da a kan.—Zaburu 112:7, 8

WIDEYO LAJƐ MIN TƆGƆ YE KO, KO NATA MINNU BƐNA JAGƐLƐYA ƝINI AN FƐ—YƆRƆ DƆ, O KƆ AW KA NIN ƝININKALI NINNU JAABI:

• 

  Jɛkulu wɛrɛw mɔgɔw nana fara jɛkulu dɔ kɔnɔmɔgɔw kan. O jɛkulu weleweledala dɔw ye kɔrɔbɔli jumɛn sɔrɔ kanminɛli ta fan fɛ?

• 

  Jagɛlɛya ni kanminɛli bɛ taa ni ɲɔgɔn ye cogo jumɛn de la?

• 

  Mun na an mago bɛna kɛ jagɛlɛya la ni Harmagedɔn sera?

• 

  Dannaya min bɛ an na ko Jehova bɛ se ka an kisi, Bibulu maana jumɛn de bɛ se ka an dɛmɛ an ka o dannaya barika bonya?—2 Tilew Kibaru 20:1-24