ALA KA KUMA NAFOLOMAFƐNW | EKISODE 10-11

Musa ni Aron ye jagɛlɛyaba jira

10:3-6, 24-26, 28; 11:4-8

Musa ni Aron ye jagɛlɛyaba jira tuma min na u kumana Faraon fɛ, o min tun ye mɔgɔ ye min ka setigiya tun ka bon ni bɛɛ ta ye o waati la. Mun y’a to u sera k’o kɛ? Bibulu b’a fɔ Musa ko la ko: “Dannaya de y’a to Musa bɔra Misira jamana la ka taa, a ma siran masakɛ ka diminya ɲɛ, k’a masɔrɔ a ye muɲuli kɛ, i ko a ɲɛ bɛ Ala yebali la.” (Heburuw 11:27) Dannayaba tun bɛ Musa ni Aron na ka ɲɛsin Jehova ma ani u jigi tun b’a kan.

Ko jumɛnw de bɛ jagɛlɛya ɲini i fɛ walasa i k’i ka dannayakow ɲɛfɔ faamalamɔgɔ dɔ ɲɛkɔrɔ?

Jaw: An mago bɛ jagɛlɛya la ko minnu kɔnɔna na. 1. Lakɔliso la, cɛnin dɔ jɔlen makunnen don k’a sɔrɔ tɔw bɛ ka darapo fo. 2. Balimakɛ dɔ jɔlen bɛ kiritigɛlaw ɲɛ kɔrɔ. 3. Balimakɛ funankɛnin dɔ bɛ ka sɛbɛndennin dɔ di a barokɛɲɔgɔn ma foro baara la k’a sɔrɔ polisikɛ dɔ jɔlen b’u kɛrɛ fɛ k’u lajɛ.