Baara bɛ kɛ ni Baro kɛcogo misaliw ye cogo min na

Kabini Zanwuyekalo san 2018, baro kɛcogo misaliw kɛra An ka krecɛnya ni an ka waajulibaara—Lajɛ sɛbɛn ɲɛ fɔlɔ kan. An bɛ se ka baara bɛ kɛ ni u ye cogo di?

Ni barokunw dira kalandenw ma: Kalandenw ka kan ka baara kɛ ni ɲininkali, tɛmɛsira ani ɲininkali segin-ka-bɔnye nata kama minnu bɛ baro kɛcogo misali kɔnɔ. O bɛɛ n’a ta, o kɔrɔ tɛ ko kalandenw ka kan ka tugu baro kɛcogo misali wideyo kɔnɔkumaw bɛɛ kɔ. I bɛ se ka baara kɛ ni kɛcogoya wɛrɛ, ɲɛbilakuma wɛrɛ walima hakilijagabɔ sira wɛrɛ ye ani o n’a ɲɔgɔnnaw. I bɛ se fana ka gafe dɔ jira ka bɔ an ka baarakɛminɛnw la, minnu bɛ yɔrɔ koorilen na mɔgɔw kalanni kama, hali ni o ma fɔ o yɔrɔ kunnafoniw kɔnɔ.

Ni an bɛ waajulibaara la: Baro kɛcogo misaliw labɛnna walasa ka hakilinaw di an ma minnu bɛ an dɛmɛ. Ni mɔgɔ dɔ y’a jira ko kibaru duman ka di a ye tiɲɛ yɛrɛ la ani ni a b’a fɛ ka fɛn caman dɔn, i bɛ se ka ta’a fɛ ka baro kɛ ni a ye, laala i kɛtɔ ka baara kɛ ni segin-ka-bɔnye misali ye. I bɛ se ka yɛlɛma don baro kɛcogo misaliw la walima ka baara kɛ ni fɛn wɛrɛ ye. Yala kalo tɛmɛnnen dɔw barokun wala tɛmɛsira wɛrɛ de bɛ bɛn kosɛbɛ aw ka waajulikɛyɔrɔ la wa? Ko dɔ, min kɛra sisan walima aw ka yɔrɔ la ko dɔ, yala mɔgɔw bɛ u mago don kosɛbɛ o de la wa? I mana baara kɛ ni baro kɛcogo misaliw ye cogo o cogo, i ka kuntilenna ka kan ka kɛ nin de ye: Ka ‘fɛn bɛɛ kɛ Kibaru Duman kosɔn walisa i ka niyɔrɔ sɔrɔ a nafa la tɔw fɛ.’—1 Kɔrɛntekaw 9:22, 23.