AN KA ƝƐNAMAYA KƐ IKO KRECƐNW

E bɛ se ka mun de kalan krecɛnw fɛ kodɔn bɛ minnu na?

O krecɛn minnu bɛ ka Jehova bato kabini san caman, olu bɛ an ka jɛkulu kɔnɔ. U ye u jigi da Jehova kan cogo min na, an bɛ se ka kalan bɔ o la. Jehova ka jɛkuluba tariku kow, o krecɛnw ye gɛlɛya minnu sɔrɔ ani u ye se sɔrɔ o gɛlɛyaw kan ni Jehova ka dɛmɛ ye cogo min na, an bɛ se ka u ɲininka u ka o kow ɲɛfɔ an ye. O mɔgɔ minnu ka kow ka bon an bolo, an bɛ se hali ka olu dɔ la kelen wele a ka na a ka ko dɔw ɲɛfɔ an ye an ka denbaya ka Alabato dɔ sen fɛ.

Ni i ye krecɛn ye ani ni kodɔn bɛ i la, kana siga-siga ka i ka dannaya ɲɛfɔ krecɛn funankɛw ye. Jehova ye ko minnu kɛ Yakuba ni Yusufu ye, olu ye o ɲɛfɔ u bɔnsɔnw ye. (Jenɛse 48:21, 22; 50:24, 25) Jehova bɛ a ɲini gatigiw fɛ u ka u denw kalan ale ka wale kabakomanw na. (Dutɛrɔnɔmɛ 4:9, 10; Zaburu 78:4-7) Bi jɛkulu kɔnɔ, bangebaw ni mɔgɔ wɛrɛw ye Jehova ka dakabana fɛn minnu ye, a ye minnu kɛ a ka jɛkuluba sababu la, olu bɛ se ka o ɲɛfɔ funankɛw ye.

WIDEYO LAJƐ MIN TƆGƆ YE KO RESTONS UNIS SOUS L’INTERDICTION (o kɔrɔ ye ko: An ka to kelenya la ni an ka alako baaraw balilen don), O KƆ AW KA NIN ƝININKALI NINNU JAABI:

Autriche tɔn bolofara ye balimaw dɛmɛ cogo di jamana dɔw kɔnɔ, an ka baara balilen bɛ yɔrɔ minnu na?
Balima minnu bɛ o jamanaw kɔnɔ, olu ye u ka dannaya barika bonyalen to cogo di?
Kun jumɛn na Rumani weleweledala caman ye u mabɔ Jehova ka jɛkuluba la ani u kɔseginna a kɔnɔ cogo di?
O ko ninnu dɔnni bɛ i ka dannaya bonya cogo di?

Jaw: ‘Restons unis sous l’interdiction’, o wideyo yɔrɔ dɔw. 1. Karti dɔ, min bɛ Erɔpu kɔrɔnyanfan jamanaw jira, an ka alako baaraw tun balilen don minnu kɔnɔ. 2. Masin min tɔgɔ ye tubabukan na ko Polycopieuse. 3. Rumani balimakɛw bɛ k’u poron ɲɔgɔn kan. — A niɲi ka fɛn cɛɲumanbaw dɔn balima mɔgɔkɔrɔbaw la minnu bɛna i ka dannaya bonya Jehova la!