A’ye ‘siya wɛrɛw ka batofɛnw’ bɔ aw bolo

Hali k’a sɔrɔ Jehova tun ma sariya sigi fɔlɔ min b’a jira ko boliw kana bato, Yakuba tun b’a dɔn ko Jehova kelenpe dɔrɔn de ka kan ni batoli ye. (Ekisode 20:3-5) O la kɔfɛ, Jehova y’a fɔ a ye ko a ka kɔsegin Bɛtɛl, Yakuba ye a nɔfɛmɔgɔw bɛɛ kalan u ka boliw bɔ u bolo. O la, Yakuba ye boliw bɔ yen, tulola fɛnw fana sen b’a la, laala u tun bɛ minnu don walasa ka u yɛrɛw lakana. (Jenɛse 35:1-4) Siga t’a la ko Yakuba ye min kɛ, o diyara Jehova ye.

An ka bi donw na, an bɛ se ka Jehova kelenpe dɔrɔn bato cogo di? An b’o kɛli daminɛ an kɛtɔ ka an yɛrɛ tanga fɛnw bɛɛ ma jɛɲɔgɔnya bɛ minnu ni boli batoli cɛ walima subaaya. Ka fɛnw bɛɛ bɔ an bolo minnu ni Sitanɛ baara bɛ ɲɔgɔn ɲɛsira la ani ka an ka ɲɛnajɛkow jateminɛ koɲuman, o fana sen b’a la. Misali la, i yɛrɛ ɲininka: ‘Yala ne bɛ n’ɲɛnajɛ ni gafew walima wideyow ye vanpiriw, zonbiw walima fɛn kabakomanw bɛ minnu kɔnɔ wa? Yala ne bɛ n’ɲɛnajɛ ni fɛn minnu ye olu bɛ domaya, dabaliw, walima neniliw jira iko tulonkɛ fɛnw farati tɛ minnu na wa?’ Jehova bɛ fɛn o fɛn koniya, an ka kan ka an yɔrɔ janya o fɛnw la kosɛbɛ yɛrɛ de.—Zaburu 97:10.

WIDEYO LAJƐ MIN TƆGƆ YE KO « OPPOSEZ-VOUS AU DIABLE » (o kɔrɔ ye ko: “A’ ye jɔ Sitanɛ ɲɛ ka a kɛlɛ”) O KƆ AW KA NIN ƝININKALI NINNU JAABI:

• 

  Bibulukalanden min tɔgɔ ko Palesa, gɛlɛya jumɛn de donna o ka ɲɛnamaya la?

• 

  Mun na hakilitigiya don ka diinɛ maakɔrɔw ka dɛmɛ ɲini ni e walima i dɔnbaga dɔ walima i ka Bibulukalanden ye gɛlɛya sɔrɔ Sitanɛkow kan?

• 

  Ni an b’a fɛ Jehova ka an lakana, an ka kan ka fɛn jumɛnw de bɔ an bolo?

• Palesa ye wale jɔnjɔn jumɛn de kɛ?

• Mɔgɔ bɛ se ka a yɛrɛ tanga jinɛw ma cogo minnu na, olu dɔw ye jumɛnw ye aw ka yɔrɔ la?