AN KA ƝƐNAMAYA KƐ IKO KRECƐNW

Furuɲɔgɔnmaw bɛ se ka u ka furu barika bonya cogo min na

Ibrahima ni Saran kɛra furuɲɔgɔnmaw ye minnu ye ɲɔgɔn kanu ani ka ɲɔgɔn bonya, olu ye misali ɲumanw ye furuɲɔgɔnmaw bolo. (Jenɛse 12:11-13; 1 Piɛrɛ 3:6) U y’o kɛ hali k’a sɔrɔ u ka furu tun tɛ furu dafalen ye ani ko u tun ka kan ka kɔrɔbɔli caman muɲu u ka ɲɛnamaya kɔnɔ. Furuɲɔgɔnmaw bɛ se ka kalansira jumɛn de sɔrɔ Ibrahima ni Saran ka misali sɛgɛsɛgɛli la?

Kumaɲɔgɔnya ka kɛ aw ni ɲɔgɔn cɛ. I furuɲɔgɔn bɛ kuma minnu fɔ a dusu bɔlen, wale kɛ ni majiginnenya ye ka ɲɛsin olu ma. (Jenɛse 16:5, 6) A’ye kow boloda walasa aw ka to ka waatiw kɛ ni ɲɔgɔn ye. To ka i furuɲɔgɔn hakili sigi i kɛtɔ k’a jira a la ko i b’a kanu, o kɛ i ka kumaw ni i ka kɛwalew fɛ. Min nafa ka bon ni o bɛɛ ye, o ye ka ko bɛɛ kɛ walasa Jehova ka to aw ka furu kɔnɔ aw kɛtɔ ka ta’a fɛ ka kalan, delili ani bato kɛ ɲɔgɔn fɛ. (Waajulikɛla 4:12) Furu min barika ka bon, o bɛ bonya da Jehova kan, o min ye nin ko senuma Jusigibaga ye.

WIDEYO LAJƐ MIN TƆGƆ YE KO COMMENT RESSERRER LES LIENS DU MARIAGE, O KƆ AW KA NIN ƝININKALI NINNU JAABI:

Wideyo in kɔnɔ, taamashyɛn jumɛnw b’a jira ko Shaan ani Kiara tun bɛ ka u mabɔ ɲɔgɔn na?
Ka kumaɲɔgɔnya kɛ ni kɔnɔnajɛlenya ye, mun na o nafa ka bon kosɛbɛ furu kɔnɔ?
Ibrahima ni Saran ka misali ye Shaan ni Kiara dɛmɛ cogo di?
Shaan ni Kiara ye mun ni mun de kɛ walasa k’u ka furu barika bonya?
Mun na furucɛ ni furumuso mankan k’u jigi d’a kan k’u ka furu bɛna kɛ furu dafalen ye?

Ja: ‘Comment resserrer les liens du mariage’ wideyo yɔrɔ dɔw ja. Shaan ani Kiara bɛ ka fɛɛrɛw tigi walasa ka u ka furu barika bonya. 1. U sigilen bɛ sigilan dɔ kɔnɔ k’u kɔdon ɲɔgɔn ma. 2. U kɛlen bɛ ka u tigɛw da ɲɔgɔn kan. 3. U nisɔndiyalen bɛ ka baara kɛ ɲɔgɔn foro kɔnɔ. — I bɛ se ka i ka furu barika bonya!