AN KA ƝƐNAMAYA KƐ IKO KRECƐNW
Aw bɛ nafa don Ala ka Kuma la fo ka se hakɛ jumɛn ma?
Jehova Ala hakilinaw ani a ka Kumaw bɛ Bibulu kɔnɔ, ale min ye o kitabu senuma tigi ye. (2 Piɛrɛ 1:20, 21) Ni an y’an sinsin Ala ka masabaya lajɛyali kan a ka Masaya sababu fɛ, Bibulu bɛ jigiya di hadamadenw bɛɛ ma ko yan ni sɔɔni, ɲɛnamaya bɛna fisaya. Bibulu b’a jira fana ko an sankolola Fa Jehova ye Ala kanuman ye.—Zaburu 86:15, La Bible. Traduction du monde nouveau.
Kun caman bɛ an bɛɛ kelen kelen bolo minnu kosɔn an bɛ nafa don Jehova ka Kuma la. Nka yala an b’a jira kosɛbɛ ko o nilifɛn senuma ye fɛn nafamaba ye an bolo an kɛtɔ ka a kalan don o don ani ka a waleya an ka ɲɛnamaya kɔnɔ wa? O la, an ka kɛwalew k’a jira ko an ni Zaburu sɛbɛnbaga hakilinaw ye kelen ye, ni o ye ko: “I ka sariya ko ka di ne ye haali”!—Zaburu 119:97.
WIDEYO LAJƐ MIN TƆGƆ YE KO ILS ATTACHAIENT DE LA VALEUR À LA BIBLE – EXTRAIT (WILLIAM TYNDALE) (O KƆRƆ YE KO: U ye nafa don Bibulu la—Yɔrɔ dɔ) (William Tyndale) O KƆ AW KA NIN ƝININKALI NINNU JAABI:
Mun na William Tyndale ye Bibulu yɔrɔ dɔw bayɛlɛma?
A ye cɛsiriw kɛ walasa ka Bibulu bayɛlɛma, mun na o cɛsiriw kɛra kabakoba ye?
William Tyndale ye Bibulu min bayɛlɛma, o sɛbɛn dɔw dogora ka don Angiletɛri jamana na cogo di?
An bɛɛ kelen kelen bɛ se k’a jira cogo di ko Ala ka Kuma ye fɛn nafamaba ye an bolo?