AN KA ƝƐNAMAYA KƐ IKO KRECƐNW

Mɔgɔ saniyalenw ko ka di Jehova ye

“A’ye to ka aw tɛgɛw kɔ. A’ye to ka aw ka sow labɛn. A’ye to ka aw ka yɔrɔw furan k’u jɔɔsi. A’ye to ka ɲamanw labɔ kɛnɛma.” Denmisɛnw saniyalen ka kan ka to farikolo ta fan fɛ cogo min na, bangebaga caman bɛ u denw kalan o la. Nka, saniyali sinsinnen bɛ sariyakolo minnu kan, olu bɔra an ka Ala senuma de yɔrɔ. (Ekisode 30:18-20; Dutɛrɔnɔmɛ 23:14; 2 Kɔrɛntekaw 7:1) Ni an tora ka an farikolo ani an bolofɛnw saniya, an bɛ nɔɔrɔ da Jehova kan. (1 Piɛrɛ 1:14-16) Nka an ka sow ni u lamini dun? Mɔgɔw danfara la minnu bɛ ɲamanw fili siraw kan ani parkiw kɔnɔ, krecɛnw bɛ u seko bɛɛ kɛ walasa ka dugukolo saniyalen to. (Zaburu 115:16; Jirali 11:18) Hali fɛn fitininw, i n’a fɔ an bɛ bɔnbɔn faraw, biscuits forokow, buwason buteliw, namasa faraw walima singɔmu, o n’a ɲɔgɔnnaw fili cogo min na, o bɛ se ka an kɛcogo jira ka ɲɛsin saniya ma. Ɲɛnamaya kow bɛɛ la, an b’a fɛ k’a “jira ko an ye Ala ka baarakɛla ɲumanw ye”.—2 Kɔrɛntekaw 6:3, 4.

WIDEYO LAJƐ MIN TƆGƆ YE KO DIEU AIME QUE L’ON SOIT PROPRE, O KƆ AW KA NIN ƝININKALI NINNU JAABI:

Mɔgɔ dɔw bɛ se ka yɛrɛbɔkuma jumɛnw de fɔ, minnu b’a to u tɛ u bolofɛnw saniya?
Musa ka sariya ye Jehova hakilina jira ka ɲɛsin saniyali ma cogo di?
Cogo di an bɛ se ka tanuli lase Jehova ma k’a sɔrɔ an ma fɛn fɔ?

Denfa dɔ bɛ ka don a denkɛ ka mobili nɔgɔlen kɔnɔ; denfa dɔ n’a denkɛ bɛ ka baro kɛ Jehova ka sariyakolow kan saniyali ko la; Israɛl kɔrɔ la sarakalasebaa fila jɔlen bɛ koli minɛnba kɛrɛfɛ walasa ka u tɛgɛw ko; foro baara lajɛ kulu mɔgɔ dɔw bɛ ka bɔ denkɛ ka mobili saniyalen kɔnɔ — Jehova hakilina ye min ye ka ɲɛsin saniyali ma, ne bɛ se ka n’ka ɲɛnamaya kɛ ka kɛɲɛ ni o ye cogo di?