“An tɛ sɛgɛn”

4:16-18

E k’a miiri ko denbaya fila bɛ du kelen kɔnɔ, du min sow tiɲɛ tiɲɛnen don katuguni u kɔrɔla. Denbaya fila ninnu dɔ la kelen jigilatigɛlen don, wa o bɛ faamu. Nka kabako don k’a ye ko denbaya tɔ kelen dɔ in nisɔnyalen don. Mun na? Denbaya filanan bɛna yɛlɛma sɔɔni so kura cɛɲumanba dɔ kɔnɔ.

Hali ni “dafɛnw bɛɛ bɛ ŋunan ɲɔgɔn fɛ ka tɔɔrɔ i n’a fɔ muso tintɔ, fo ka na se bi ma”, jigiya bɛ Ala batobagaw la min bɛ u dɛmɛ. (Romɛkaw 8:22) An ka sisan gɛlɛyaw, hali minnu bɛ an kan a bɛ san caman bɔ, an b’a dɔn ko olu ye “waatinin” ko de ye wa ko u ka ‘fiɲɛ’ ni an y’u sanga ɲɛnamaya banbali ma Ala ka diɲɛ kura kɔnɔ. Ka an sinsin Masaya duba nataw kan, o bɛna an dɛmɛ ka nisɔndiya sɔrɔ ani k’a to an kana sɛgɛn.