Tugu Yesu kɔ ni ŋaniya ɲuman ye

6:9-11, 25-27, 54, 66-69

Tuma min na Yesu ye ntalen da min faamuyali gɛlɛyara kalandenw ma, u dɔw kunnatiɲɛna wa u ma taama a fɛ tun. Tile kelen sani o cɛ, Yesu ye kabako kɛ ka dumuni di u ma, k’a jira ko a ka sebaaya tun bɛ bɔ Ala de la. O la, mun na u kunnatiɲɛna? A bɛ iko u tun tugura Yesu kɔ u yɛrɛ negela kow de kosɔn. U tun bɛ ka tugu Yesu kɔ bolofɛnw de kosɔn.

An bɛɛ kelen kelen ka kan ka an yɛrɛ ɲininka: ‘Mun na ne bɛ ka tugu Yesu kɔ? Yala o kun fɔlɔ ye, ne bɛ ka duba minnu sɔrɔ sisan ani ne bɛna minnu sɔrɔ don nataw la wa? Walima ne bɛ ka o kɛ ka d’a kan ne bɛ Jehova kanu ani ne b’a fɛ ne ko ka diya a ye wa?’

Mun na an kunna bɛ se ka tiɲɛ ni an ka Jehova batoli kun fɔlɔ ye nin fɛn nata ninnu ye?

• An nisɔndiyalen don ka kɛ ni Ala ka mɔgɔw ye

• An b’a fɛ ka ɲɛnamaya kɛ alijɛnɛ kɔnɔ