AN KA ƝƐNAMAYA KƐ IKO KRECƐNW
A’ ye aw hakili jigin Lɔti muso ko la
Mun na Lɔti muso y’a kɔ filɛ tuma min na a tun bɛ ka boli ka bɔ Sodɔmɛ? Bibulu tɛ o kun fɔ. (Jenɛse 19:17, 26) Yesu ye lasɔmini kɛ hukumu min kɔnɔ, o b’a jira ko laala a y’o kɛ bawo a tun nɔrɔlen bɛ fɛnw na, a ye minnu to a kɔ. (Luka 17:31, 32) Lɔti muso bɔnɛna Ala ka mandiya la cogo min na, an bɛ se ka an yɛrɛ tanga o ma cogo di? An mankan k’a to nafolomafɛn kow ɲinini ka kɛ jɔyɔrɔ fɔlɔ la. (Matiyu 6:33) Yesu y’a fɔ ko an “tɛ se ka baara kɛ Ala ye k’a kɛ nafolo fana ye.” (Matiyu 6:24) Nka an bɛ mun de kɛ, ni an y’a kɔlɔsi ko nafolomafɛnw y’a daminɛ ka alako jɔyɔrɔ ta an ka ɲɛnamaya kɔnɔ? An bɛ se ka Jehova deli a ka an dɛmɛ an ka se ka kow jateminɛ walasa k’a dɔn an mago b’a la ka yɛlɛmaw kɛ fɛn minnu na ani a ka jagɛlɛya ni fanga di an ma an ka se ka o kɛ.
WIDEYO MIN TƆGƆ YE KO A’ YE AW HAKILI JIGIN LƆTI MUSO KO LA, A’YE AW HAKILI JIGIN O YƆRƆ SABA LA ANI KA NIN ƝININKALI NINNU JAABI:
Ne bɛ se k’a jira ne ka walew fɛ cogo di ko ne bɛ ne “hakili jigin Lɔti muso ko la”?
Gloria lasura minkɛ ka wari caman ɲini, o ye nɔ bila a hakilinaw, a ka kumaw ani a ka walew la cogo di?
Lɔti muso ye lasɔmini misali ye an bolo cogo di bi donw na?
Bibulu sariyakolow waleyali ye Joe ni a ka denbaya dɛmɛ cogo di?
Anna ye jɛɲɔgɔnya min don a ni mɔgɔw cɛ baarakɛyɔrɔ la, o ye nɔ bila a ka alako la cogo di?
Mun na an mago bɛ jagɛlɛya la ni mɔgɔw bɛ an lasu an ka wari bila jɔyɔrɔ fɔlɔ la an ka ɲɛnamaya kɔnɔ?
Brian ani Gloria seginna ka jɔyɔrɔ fɔlɔ di alakow ma kokura cogo di?
E ye Bibulu sariyakolo jumɛnw de ye, minnu waleyara nin wideyo in na?