Intɛrinɛti—A’ye aw tanga o janw ma

MUN NA O NAFA KA BON: Intɛrinɛti bɛ se ka an nafa walima ka kɛ an ma kojugu ye, iko baarakɛminɛn caman bɛ cogo min na. Krecɛn dɔw b’a bɔ u yɛrɛ la ka ban ka baara kɛ ni intɛrinɛti ye. Krecɛn dɔw bɛ baara kɛ ni intɛrinɛti ye walasa ka to jɛ la ni u ka denbaya kɔnɔmɔgɔw ye walima u teriw. Nka, Sendonbaga b’a fɛ an ka baara kɛ ni intɛrinɛti ye ni hakilintanya ye, o min bɛ se ka an tɔgɔ, ani an ni Jehova ka teriya tiɲɛ. Iko Yesu, sariyakolo minnu bɛ Ala ka Kuma kɔnɔ, an bɛ se ka baara kɛ ni olu ye, walasa ka faratikow dɔn ani ka an tanga u ma.—Luka 4:4, 8, 12.

AN KA KAN KA AN TANGA JAN MINNU MA:

• Baara kɛli ni arajɔ, telewisiɔn, o n’a ɲɔgɔnnaw ye fo k’a dama tɛmɛn. Ka baara kɛ ni intɛrinɛti walima arajɔ, telewisiɔn, o n’a ɲɔgɔnnaw ye fo k’a dama tɛmɛn, o bɛ se ka an ka waati nafama ta an ye min boloda alako baaraw kɛli kosɔn

  Bibulu sariyakolow: Efesekaw 5:15, 16; Filipekaw 1:10

• Siga-siga bɛ fɛn minnu na, olu lajɛli. Ja kolonw filɛli bɛ se ka mɔgɔ bila a ka kɛ julankolon filimu filɛli jɔn ye, walima ka jɛnɛya kɛ. Ka diinɛ mɔgɔ murutilenw ka sɛbɛnw kalan walima ka fɛnw filɛ u bɛ minnu bila intɛrinɛti kan, o bɛ se ka mɔgɔ ka limaniya tiɲɛ

  Bibulu sariyakolow: Matiyu 5:28; Filipekaw 4:8

• Komatɛriw walima fotow bɛnbaliw bilali intɛrinɛti kan. Ikomi dusukun bɛ filibanciya kɛ, a bɛ se ka diya mɔgɔ dɔ ye ka komatɛriw walima foto bɛnbaliw bila intɛrinɛti kan. Nka o bɛ se ka mɔgɔ tɔgɔ tiɲɛ walima ka a labin alako ta fan fɛ

  Bibulu sariyakolow: Romɛkaw 14:13; Efesekaw 4:29

WIDEYO MIN TƆGƆ YE KO RÉSEAUX SOCIAUX : NE TE LAISSE PAS AVOIR ! (o kɔrɔ ye ko: Intɛrinɛti-Aw kana bin o janw kɔnɔ), O JIRA, O KƆ AW K’A LAJƐ MƆGƆ BƐ SE K’A YƐRƐ TANGA NIN FƐN NINNU MA COGO MIN NA: