Kɛnɛyali lafiɲɛ don na

3:1-5

Mun na Yesu ɲɛnasisilen tun don Yahutuw ka diinɛ ɲɛmɔgɔw kɛcogo kosɔn? Sabu u ye lafiɲɛ don kɛ doni ye u kɛtɔ ka dan bila fɛn damadɔnbaliw la, hali k’a sɔrɔ nafa tɛ o la. Misali la, a tun dagalen tɛ ka nkaranka faga. Kɛnɛyali tun dagalen bɛ dɔrɔn de, n’a y’a sɔrɔ ɲɛnamaya bɛ farati la. O kɔrɔ tun ye ko hali ni kolo karila walima ko a mugura, o tun tɛ se ka furakɛ lafiɲɛ don na. A jɛlen don ko diinɛ ɲɛmɔgɔw tun tɛ hami tiɲɛ yɛrɛ la cɛ bolojalen ko la.