AN KA ƝƐNAMAYA KƐ IKO KRECƐNW
An ka Ala ɲɛsiran jogow sɛnɛ an yɛrɛ la—Majiginnenya
MUN NA O NAFA KA BON:
Majiginnenya bɛ kɛ sababu ye an bɛ jɛɲɔgɔnya sɛbɛ don an ni Jehova cɛ.—Zaburu 138:6
Majiginnenya bɛ kɛ sababu ye an bɛ jɛɲɔgɔnya ɲuman don an ni tɔw cɛ.—Filipekaw 2:3, 4
Kuncɛbaya bɛna ni halakili ye.—Ntalenw 16:18; Ezekiɛl 28:17
AN BƐ MAJIGINNENYA SƐNƐ AN NA COGO MIN NA:
Laadiliw ɲini ani u waleya.—Zaburu 141:5; Ntalenw 19:20
A bɔ i yɛrɛ la ka majiginnenya baaraw kɛ mɔgɔ tɔw ye.—Matiyu 20:25-27
Kana a to i sekow walima i ka jɔyɔrɔw ka i kɛ mɔgɔ kuncɛba ye.—Romɛkaw 12:3
Sira jumɛn fɛ ne bɛ se ka majiginnenya jira kosɛbɛ?
WIDEYO MIN TƆGƆ YE KO REJETONS CE QUI MINE LA FIDÉLITÉ—L’ORGUEIL, O JIRA, O KƆ AW YE NIN ƝININKALI NINNU JAABI:
An bɛ wale min kɛ ka ɲɛsin laadiliw ma, o bɛ mun de jira ka ɲɛsin an jogow ma?
Delili bɛ an dɛmɛ cogo di ka majiginnenya sɛnɛ an na?
An bɛ majiginnenya jira sira minnu fɛ, olu dɔw ye jumɛnw ye?