Ala lamɛn​​—⁠Baara bɛ kɛ ni o ye cogo min na

Gafenin min tɔgɔ ye ko Ala lamɛn o dilanna walasa ka Bibulu tiɲɛkuma kolomaw kɛ ka mɔgɔw kalan, sɛbɛnni kalanni ka gɛlɛn minnu ma. Kalansen kelen kelen bɛɛ bɛ bɛn fura ɲɛ fila ma ja cɛɲumanw bɛ minnu kɔnɔ wa o jaw kɛcogo b’a to i bɛ se ka baro ɲɛminɛ ni u ye ka tugu ɲɔgɔn kɔ.

Gafenin min tɔgɔ ko Ala lamɛn walisa ka ɲɛnamaya banbali sɔrɔ, ja minnu bɛ o kɔnɔ olu ni Ala lamɛn taw bɛɛ ye kelen ye, nka sɛbɛnni ka ca ale kɔnɔ ani kalandenw minnu bɛ se kalanni na dɔɔnin olu bɛ se ka baara kɛ ni a ye. Tuma caman na a ka di weleweledalaw ye ka baara kɛ ni o de ye k’a sɔrɔ kalanden bɛ baara kɛ ni Ala lamɛn ye. Yɔrɔ koorilen ka fara kunnafoni farankanw kan baro bɛ se ka kɛ ni minnu ye ka kɛɲɛ ni kalanden ka faamuyali kɛcogo ye, olu bɛ sɔrɔ gafenin ɲɛ caman kan.

Aw bɛ se ka nin gafenin in jira tuma bɛɛ, hali n’o y’a sɔrɔ a sen tɛ sɛbɛnw la minnu ka kan ka jira kalo kɔnɔ. Ni aw bɛ ka Bibulukalan ɲɛminɛ, aw ka baara kɛ ni jaw ye walasa ka Bibulu maana ɲɛfɔ. Aw ye ɲininkaliw kɛ minnu bɛ kalanden sen don baro la ani aw ka aw janto a la ko kalanden ye faamuyali sɔrɔ. Tɛmɛsira minnu bɛ gafenin ɲɛ kelen kelenna bɛɛ duguma aw ye olu kalan ani ka baro kɛ u kan. Ni aw tilara gafenin bɛɛ kalanni na, aw ka Bibulu bɛ mun de fɔ tigitigi? walima Bibulu b’an kalan mun lo la ? kalan walasa ka kalanden dɛmɛ a ka ɲɛtaa kɛ fo ka se batɛmu tali ma.