ƝIninkaliw Jaabi

◼ An ka Bibulu kalandenw ka kan ka sɛbɛn fila jumɛn de kalan?

Qu’enseigne la Bible gafe de ye an ka baarakɛminɛn fɔlɔ ye walisa ka Bibulukalanw daminɛ ani k’u ɲɛminɛ. Hali ni a ma fɔ ko an tɛ se ka sɛbɛn wɛrɛ kɛ ka Bibulukalanw daminɛ, i n’a fɔ sɛbɛndɛnnin dɔ min bɛnnen don, an ka kan ka ko bɛɛ kɛ ka o sɛbɛn to yen walisa ka na joona Qu’enseigne la Bible gafe la. Ka Qu’enseigne la Bible gafe kɛ ka Bibulukalanw daminɛ, o ye nɔ ɲumanba bɔ.

Ni Qu’enseigne la Bible gafe kalanna ka ban dɔrɔn, ni kalanden bɛ ka ɲɛtaa fana kɛ, Adorez Dieu gafe ka kan ka kalan o kɔfɛ. (Kol. 2:7) O gafe ɲɛ 2 nan bɛ gafe kun ɲɛfɔ, n’o ye ko “Mɔgɔ minnu bɛ Ala kanu, Bibulu bɛ dusu don olu bɛɛ kɔnɔ u ka Bibulu tiɲɛkuma nafamaw ‘jɔ janya ni a dunya dɔn.’ (Efesekaw 3:18) Adorez Dieu gafe dilanna walisa ka se k’o kuntilenna sɔrɔ. An jigi b’a la ko a bɛna i dɛmɛ ka taa ɲɛ alako ta fan fɛ, k’i dɛmɛ fana walisa i ka se ka taama sira kan min kɔnɔ ka dɔgɔ, n’o bɛ taa ɲɛnamaya la, Ala ka diɲɛ kura tilennen kɔnɔ.”

Ni kalanden bɛ ko wajibiyalenw bɛɛ dafa ka batise sani gafe fila ka kalan ka ban, a ka kalan ka kan ka taa fɛ fo a ka tila gafe filanan na. Hali ni kalanden batisera, a ka kalan ɲɛminɛbaga bɛ se ka a ka waati, a ka segin-ka-bɔnye ani a ka Bibulukalan jate a ka dantigɛli baara sɛbɛnfura kan. Weleweledala min bɛ o kalan ɲɛminɛbaga bilasira, ka kuma kalan kɛtuma na, ale fana bɛ se ka a ka waati jate.