LadƆnniyaliw

◼ Sɛbɛn jirataw Zuluyekalo ni Utikalo la: Ɲɛ 32 gafenin ninnu bɛ se ka jira: Dieu se soucie-t-il vraiment de nous ? ; Doit- on croire à la Trinité ? ; I bɛ se ka kɛ Ala teri ye ; I ka nyènamaya kè kudayi hèrè banbali la dugukolo kan ; La direction venant de Dieu : le chemin qui mène au paradis ; La route qui mène à la vie éternelle : L’avez-vous trouvée ? ; Le gouvernement qui établira le Paradis ; Le nom divin qui demeure à jamais ; Quand la mort frappe un être aimé... ; Que devient- on quand on meurt ? ; Quel est le but de la vie ? Comment le découvrir ? ; Veillez ! ; “Voici, je fais toutes choses nouvelles.” Sɛtanburukalo la: Qu’enseigne réellement la Bible ? Aw ka cɛsiri kɛrɛnkɛrɛnnen kɛ walisa ka Bibulu-kalanw daminɛ kabini aw nako fɔlɔ. Ni o gafe bɛ aw barokɛɲɔgɔn bolo kaban, aw k’a jira a la nafa bɛ se ka kɛ gafe la u bolo cogo min na, Bibulu-kalan kɛcogo jirali fɛ a la. Ɔkutɔburukalo: La Tour de Garde ni Utikalo Réveillez-vous ! gafeninw. Ni mɔgɔ dɔ y’a jira ko kibaru duman ka di a ye, sɛbɛndennin min tɔgɔ ye ko Aimeriez-vous en savoir plus sur la Bible ? o jira a la, ka baro kɛ a fɛ o kan, k’i kuntilenna kɛ Bibulu-kalan daminɛ ye.

◼ Ikomi Sibiri duuru ni kari duuru de bɛ Sɛtanburukalo la, kalo ɲuman dɔn walisa ka kɛ tutigɛbaga farankan ye.

◼ K’a daminɛ Sɛtanburukalo la, Kafo lakɔlɔsibagaw bɛna foroba jɛmu min kɛ, o tɔgɔ ye ko “La Bible : un livre digne de foi? (Bibulu: kitabu dannaya bɛ se ka da min kan wa?)”

◼ K’a daminɛ Utikalo la, san 2007 kafoba ka jamalajɛ badijiw bɛna ci jɛkulu ma, sɛbɛnw fɛ. U ɲini kun tɛ. Ni jɛkulu dɔ mago bɛ badiji dɔ wɛrɛw la, a ka kan k’o ɲini Demande de publications sɛbɛnfura (S-14) (Sɛbɛnw ɲinisɛbɛnfura) kan. Badiji bɛ don mananin min kɔnɔ, mɔgɔ o mɔgɔ bɛ o fɛ jɛkulu kɔnɔ, a ka kan ka ɲini o tigi ye.

◼ Mɔgɔ minnu b’a fɛ ka kɛ tutigɛbaga basigilen ye, olu ka sɛbɛn ka kan ka ci Tɔn bolofara ma, n’o ye filial ye, tile 30 , walima min ka ca ni tile 30 ye, ka kɔn don ɲɛ a b’a fɛ ka daminɛ min na. Jɛkulu sɛbɛnnikɛla ka kan ka tutigɛbaga basigilenw ka baara ɲinisɛbɛn sɛgɛsɛgɛ walisa k’a lajɛ ni o sɛbɛnfura yɔrɔ bɛɛ lafara ka ɲɛ. Minnu b’a fɛ ka kɛ tutigɛbaga basigilenw ye, ni u hakili tɛ u ka batɛmu don na tun, u bɛ se ka don dɔ sɛbɛn min ka surun o la. O kɔfɛ, u ka o sɛbɛn yɔrɔ dɔ la walisa u kana ɲinɛ o kɔ. Sɛbɛnnikɛla ka kan ka o don sɛbɛn Activité du proclamateur (Fichier de la congrégation) (S-21) karati kan.

◼ San o san, jatebɔ bɛ kɛ gafew ani La Tour de Garde ni Réveillez-vous ! kan minnu maralen bɛ yen. Jatebɔ min bɛna kɛ ɲinan, o ka kan ka kɛ Utikalo tile 31 san 2007, walima don kelen min ka surun o la. O jatebɔ bɛ kɛ cogo di? O bɛna kɛ i n’a fɔ jatebɔ min bɛ kɛ kalo o kalo balimakɛ fɛ min bɛ sɛbɛnw koɲɛ ɲɛnabɔ jɛkuluw ni ɲɔgɔn cɛ minnu bɛ u ka sɛbɛnw mara yɔrɔ kelen na, bawo u bɛɛ bɛ u ka lajɛw kɛ Masaya So kelen kɔnɔ. Wa, sɛbɛn hakɛ mumɛ ka kan ka sɛbɛn sɛbɛnfura kan min bɛ wele ko Stock des publications (S-18). Walisa k’a dɔn La Tour de Garde ni Réveillez-vous ! hakɛ min tɔ tora jɛkulu kɔnɔ, i ka kan ka balimakɛ ɲininka min bɛ La Tour de Garde ni Réveillez-vous ! ko kunna jɛkulu kɔnɔ. Ni jɛkulu caman de bɛ u ka sɛbɛnw mara yɔrɔ kelen na, i ka kan balimakɛ ɲininka min bɛ La Tour de Garde ni Réveillez-vous ! ko kunna o jɛkulu kelen-kelen bɛɛ kɔnɔ. Jɛkulu min bɛ sɛbɛnw ni sɔn-ni-sɔn gafeninw ɲini jɛkulu tɔw tɔgɔ la, o sɛbɛnnikɛla ka kan ka sɛbɛnw jatebɔ ɲɛminɛ. Jɛkulu min bɛ sɛbɛnw ni gafeninw ɲini jɛkulu tɔw tɔgɔ la, o jɛkulu lakɔlɔsibaga ɲɛmɔgɔ ni o sɛbɛnnikɛla bɛna u bolonɔw bila o jatebɔsɛbɛn kan. Sɛbɛnfura min bɛ wele ko Stock des publications (S-18), o den saba bɛna ci jɛkulu kelen kelen bɛɛ ma min bɛ sɛbɛnw ni gafeninw ɲini jɛkulu tɔw tɔgɔ la. Jatebɔ bɛ kɛ tuma min na, baara bɛna kɛ ni sɛbɛnfura kelen ye. Ni jatebɔ banna, hakɛ min sɔrɔla, o bɛna sɛbɛn sɛbɛnfura fila kan. Sɛbɛnfura kelen bɛna ci Tɔn bolofara ma, ka kɔn Sɛtanburukalo tile 6 ɲɛ, ani sɛbɛnfura filanan min tora, o bɛna mara jɛkulu sɛbɛnfura tɔw fɛ.

◼ Balimakɛ minnu bɛ jamanaw kɔnɔ Senegali ka Tɔn bolofara b’a mago don jamana minnu na, olu y’a jira Marisikalo kɔnɔna na, ko tiɲɛ na u b’a fɛ ka taa ɲɛ cidenyabaara la. Senegali y’a jira ko hakɛ sɔrɔla Bibulu-kalanw na min hakɛ ɲɔgɔn tun ma sɔrɔ fɔlɔ. Bibulu-kalan hakɛ kɛra 1.952 ye. O ɲɛ, Bibulu-kalan hakɛ min tun cayara kosɛbɛ, o tun kɛra 1.892 ye. O b’a jira ko a bɛ i ko ni i ye 60 fara Bibulu-kalan hakɛ kan. Mali la, Bibulu-kalan hakɛ mumɛ kɛra 634 ye, o bɛ dusu don an kɔnɔ, bawo n’i ye o hakɛ suma ni Feburuyekalo Bibulu-kalanw hakɛ ye, mɔgɔ 59 de farala Bibulu-kalan hakɛ kan. Hali ni Bibulu-kalan hakɛ 634 ma kɛ hakɛ ye min cayara ni hakɛ tɔ bɛɛ ye, o bɛɛ n’a ta, kabini san 2005 Nowanburukalo, Bibulu-kalan hakɛ minnu kɛra, olu hakɛ ma caya ka o bɔ. Ka fara o kan fana, weleweledala kelen-kelen bɛɛ ye lɛrɛ hakɛ min kɛ, o ye 17,8 ye. Kabini san 2004 Utikalo, o lɛrɛ hakɛ ɲɔgɔn tun ma kɛ fɔlɔ foro la. Gine Bisawo, weleweledala hakɛ sɔrɔla, min ɲɔgɔn tun ma sɔrɔ fɔlɔ. U kɛra weleweledala 115 ye. O b’a jira ko weleweledala kɛmɛ o kɛmɛ la, 15 farala u hakɛ kan, ni i o hakɛ suma ni salon hakɛ ye. Ganbi weleweledalaw hakɛ kɛra 190 ye. O weleweledalaw hakɛ tun ma sɔrɔ fɔlɔ. U ye Bibulu-kalan hakɛ minnu sɔrɔ Marisikalo la, o min bonyara kosɛbɛ ni san kalo tɔw bɛɛ ta ye, ni o hakɛ ɲɔgɔn tun ma sɔrɔ fɔlɔ, o kɛra 387 ye. O b’a jira ko kalandenw kɛli baara bɛ ka taa ɲɛ kosɛbɛ Ganbi jamana na. O ko ye kibaru duman ye min bɛ tanuliba lase Jehowa tɔgɔ ma dɛ!