LadƆnniyaliw

◼ Sɛbɛn Jirataw Zanwuyekalo la: Gafe o gafe bɔra san 1991 ɲɛ, ni olu maralen bɛ jɛkulu kɔnɔ. Ni o gafew maralen tɛ jɛkulu kɔnɔ, aw k’a lajɛ ni aw bɛ se ka gafe kɔrɔ dɔw sɔrɔ jɛkuluw bolo minnu ka surun aw la, walisa aw ka se ka baara kɛ ni olu ye. Gafe kɔrɔmanw tɛ jɛkulu minnu bolo, olu bɛ se ka Dɔnniya gafe jira. Ni o gafe bɛ an barokɛɲɔgɔn bolo kaban, an bɛ se ka Veillez ! gafenin jira a la. Une vie pleinement satisfaisante : Comment ? gafenin camanba bɛ jɛkulu dɔw bolo. Cɛsiri kɛrɛnkɛrɛnnen ka kan ka kɛ walisa ka o gafenin jira mɔgɔw la, bawo a bɛ kuma kunkow kan minnu bɛ an ka waajulikɛyɔrɔ mɔgɔw da la. (Hakilila minnu dilen bɛ san 2005 Zuwɛnkalo An ka Masaya Cidenyabaara (Se) farankan ɲɛ 3nan na, o lajɛ.) Feburuyekalo la: Approchez-vous de Jéhovah. Ni o gafe maralen tɛ jɛkulu kɔnɔ, Révélation : dénouement gafe walima gafe kɔrɔman wɛrɛ min maralen bɛ jɛkulu kɔnɔ, o bɛ se ka jira. Marisikalo la: Qu’enseigne réellement la Bible ? Aw k’aw timinandiya ka Bibulu-kalanw daminɛ. Awirilikalo la: La Tour de Garde ani Réveillez-vous ! kelen-kelen bɛ jira. Ni aw bɛ segin ka taa bɔ mɔgɔw ye minnu y’a jira ko kibaru duman ka di u ye, ani minnu nana Hakilijigin na, walima minnu nana jɛkulu ka ko labɛnnen dɔ kɛnɛ kan, nka u nɔrɔlen tɛ Jehowa ka jamakulu la, aw ka aw timinandiya ka Qu’enseigne la Bible ? gafe bila u bolo. An kuntilenna ka kan ka kɛ Bibulu-kalan daminɛni ye o gafe kan.

◼ K’a daminɛ Feburuyekalo la, ka na a bila Marisikalo tile 4nan na, nka a kana tɛmɛ o kan, kafo lakɔlɔsibagaw ka jɛmukan kura bɛna kɛ nin ye: “ Le monde nouveau promis par Dieu : qui y sera admis ? ”

◼ DVD min tɔgɔ ye ko Les jeunes s’interrogent... Que vais-je faire de ma vie ? Baro bɛna kɛ o kan Awirilikalo baara ka lajɛ la. Ni mɔgɔ dɔ mago bɛ o la, o tigi ka kan k’a ɲini jɛkulu bolo fɛ joona.

◼ An ka sɛbɛn minnu bɛ bɔ Sinuyakan na, olu sɛbɛnnen bɛ sɛbɛncogo fila de la. Mɔgɔ minnu bɛ bɔ Hong Kong ani Taiwan, tuma caman na olu bɛ Sinuyakan sɛbɛncogo fɔlɔ de kalan, o min jiralen bɛ ko “Chinois” ni nin taamasiyɛn ye: (CH). Nka Sinuya fanba bɛ Sinuya sɛbɛncogo nɔgɔn de kalan tuma caman na, ni a bɛ fɔ o ma ko “Chinois simplifié” ni nin taamasiyɛn ye: (CHS). A nafa ka bon kosɛbɛ an k’a dɔn an barokɛɲɔgɔn bɛ sɛbɛncogo min kalan, bawo diyagoya tɛ ko a bɛ kan min fɔ, a k’o kalan, i n’a fɔ Kantɔnɛ, Mandarɛn, walima kan wɛrɛ. Gafenin min tɔgɔ ye ko Une bonne nouvelle pour des gens de toutes nations, a ɲɛw 20-1nan na, baara bɛ se ka kɛ ni o ye walisa ka sɛbɛncogo fila suma ɲɔgɔn ma. O cogo la sɛbɛncogo min bɛnnen bɛ, o de bɛna ɲini o tigi ye.

◼ Jɛkuluw ka kan ka fɛɛrɛ bɛnnenw tigɛ walisa u ka se ka Hakilijigin kɛ ɲinan Awirilikalo tile 2, tile binnen kɔ. Hali ni jɛmu bɛna daminɛ joona, taamasiyɛnw latɛmɛni man kan ka daminɛ fɔ tile binnen kɔfɛ. Tile bɛ bin lɛrɛ min na aw ka yɔrɔ la o don na, aw k’a ɲini k’o don sigida faamaw fɛ. Jɛkulu bɛɛ ka kan k’u ka Hakilijigin kɛ u danna. Nka o tɛ se ka kɛ tuma bɛɛ. Ni jɛkulu caman jɛlen bɛ Masaya So kelen na yɔrɔ minnu na, laala, jɛkulu kelen walima jɛkulu damadɔw bɛ se ka yɔrɔ wɛrɛ sɔrɔ o don su kama. Ni a bɛ se ka kɛ yɔrɔ min na, aw bɛ se ka sanga 40 don lajɛw ni ɲɔgɔn cɛ, walisa bɛɛ ka se ka nafa sɔrɔ o la ka ɲɛ. Jateminɛ ka kan ka kɛ bolifɛnw ani jɔyɔrɔ ko la, ka fara mɔgɔw tali ni u jiginni ko la. Labɛn minnu ka ɲi ka tɛmɛ a bɛɛ kan sigida la, maakɔrɔw kulu de ka kan k’o latigɛ.

◼ Jɛkulu sɛbɛnnikɛlaw ka kan k’a lajɛ ni tutigɛbaga basigilen kelen-kelen bɛɛ ka lɛtɛrɛ (S-202) bɛ u bolo. Ni tutigɛbagaw bɛɛ ka sɛbɛnw t’u bolo, u ka kan ka Tɔn bolofara ladɔnniya o la bataki fɛ.