Ɲininkaliw Jaabi

◼ Baro bɛna kɛ kalansen minnu kan Ala-ka-Marako Cidenyabaara Kalan na, yala a bɛnnen don ka olu ta, k’olu fara ɲɔgɔn kan ka u kɛ papiye kan, ani k’u tila mɔgɔw ni ɲɔgɔn cɛ wa?

An bɛ se k’o kɛ an yɛrɛ ka denbaya kɔnɔmɔgɔw ni an teri sɛbɛ dɔw ye. Nka, o kunnafoni suguw man kan ka di walisa mɔgɔw bɛɛ ka baara kɛ ni u ye, walima u man kan ka di wari la, bawo o bɛna kɛ sɛbɛn labuguni sariya sɔsɔli ye.—Rom. 13:1.

Kalansen minnu bɛ di ka kɛ Ala-ka-Marako Cidenyabaara Kalan na, u dɔw la, barokun dɔrɔn de bɛ di, kunnafoni bɛ sɔrɔ yɔrɔ minnu na kalansen kan, olu ma fɔ. Yala nafa b’a la ka barokun kunnafoniw sɔrɔyɔrɔ bɛɛ sɛbɛn, walima ka barokun kunnafoniw yɛrɛ ta, k’olu fara ɲɔgɔn kan ka u di mɔgɔw ma o kalansen dira minnu ma ka kɛ wa? Ayi. A bɛnnen tɛ fana ka Ala-ka-Marako Cidenyabaara Kalan ɲininkaliw jaabiw ɲini, k’olu fara ɲɔgɔn kan ka u di mɔgɔ wɛrɛw ma, bawo o kɛli tɛna o mɔgɔw dɛmɛ ka kalan yɔrɔ kolomaw to u hakili la. Kalandenw yɛrɛw de ka kan ka u ka ɲininiw kɛ. O ɲininiw ye kalan yɔrɔ nafama dɔ ye, Jehowa bɛ min di Ala-ka-Marako Cidenyabaara Kalan sababu fɛ, walisa ka an dɛmɛ ka kɛ mɔgɔw ye Ala ye minnu “kalan kuma cogo la.”—Esa. 50:4.