A’ y’aw denw dɛmɛ u ka ɲɛtaa sɔrɔ cidenyabaara kɔnɔ
1 Bangebaga kerecɛnw bɛ jɔ ni u ka denw degeli-doni ye kabini u fitinin. U tɛ o kɛ tulonkɛ ko ye. O degeli bɛ se ka kɛ fo ka se a dan na sira caman fɛ. Den dɔw bɛ se ka Bibulu tɛmɛsira ɲuman dɔ fɔ u kun fɛ, sanni u ka se kalanjɛ la. O bɛ se ka nɔba bila an lamɛnbagaw la. Denmisɛnninya waati kɔnɔ, hali u bɛ se ka ko kɛ min ka bon ni o ye. A’ minnu ye bangebagaw ye, aw bɛ se ka aw denw dɛmɛ cogo di walisa u k’u sen don seereya kɛli la? Laala nin laadilikanw na kɛ aw dɛmɛnlan wɛrɛw ye.
2 Foli kɛlen kaban, aw bɛ se k’a fɔ ko:
◼ “Bibulu kɔnɔ kuma nafama dɔ bɛ ne denkɛ [a tɔgɔ fɔ] bolo, wa a b’a fɛ ka o kalan i ye.” I denkɛ bɛ se ka a fɔ ko: “Nin sɛbɛnni minnu bɛ Zaburu kɔnɔ olu de ye ne kalan Ala tɔgɔ la. [Denkɛ bɛ Zaburuw 83:19 kalanjɛ kɛ walima a b’a fɔ a kun fɛ.] Jehowa Ala bɛna fɛn minnu kɛ an ye, nin gafeninw bɛ o ɲɛfɔ. Yala ne bɛ se ka u to i bolo wa?” An bɛ nin baara min kɛ diɲɛ yɔrɔ bɛɛ la, o bɛ kɔkɔrɔdon ni wari min ye, o wari sɔrɔ cogo ɲɛfɔ i ka baro kuncɛ ni o ye.
3 Walima i bɛ se ka nin kumacogo sifilɛ:
◼ “I ni ɲantuma. Ne bɛ ka n denmuso [a tɔgɔ fɔ] dege a k’a mago don mɔgɔ tɔw la. A ka di a ye ka Bibulu tɛmɛsira kunkurunnin dɔ kalan i ye.” I denmuso bɛ se k’a fɔ ko: “Ne b’a fɛ ka mɔgɔw dɛmɛ sira min fɛ, o ye ka Bibulu kɔnɔ jigiya-kumaw fɔ u ye, jigiya kuma minnu bɛ waati nataw kan.” [Denmuso bɛ Jirali 21:4 kalan walima a b’a fɔ a kun fɛ.] Nin gafeninw bɛ a ɲɛfɔ Ala ka Masaya bɛna min kɛ an ye. N’i ye u kalan, i bɛna nisɔndiya sɔrɔ.”
4 Ni an bɛ baara kɛ ni sɛbɛn jiracogo nɔgɔmanw ye tuma bɛɛ, o bɛ an denw dɛmɛ u ka da a la ko u bɛ se Masaya kibaruya waajuli kɛcogo la. Ni an bɛ waajuli ladegew kɛ, minnu kɔnɔ an bɛ kuma fɔ ka jɛya ani an ka kumakan bɛ bɔ ka ɲɛ, olu bɛna denw dɛmɛ u ka se ka u kan bɔ ka ɲɛ ka u to yɔrɔ suguya caman na. Ka kɔn ka labɛn ɲuman kɛ ani ka denmisɛnninw tanu sɛbɛ la, o bɛ se ka u dɛmɛ u k’u ka limaniya jira.
5 O dusu-don-n-kɔnɔ suguw y’a to denmisɛn caman sera ka kɛ weleweledala batisebaliw ye. E m’a dɔn o ye nisɔndiya de ye, ka an denw ye u bɛ ka ɲɛtaa sɔrɔ Kerecɛn cidenyabaara la!—Zab. 148:12, 13.