Ala-ka-marako Cidenyabaara Kalanso Dalafɔ-seginnkanni

Ɲininkali ninnu jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Zuwɛnkalo tile 27nan dɔgɔkun kɔnɔna na, san 2005. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Mɛkalo tile 2 ka na a bila Zuwɛnkalo tile 27nan na, san 2005. [Kɔlɔsili: Ni ɲininkali dɔ kɔ fɛ, sinsin yɔrɔ ma fɔ, i wajibiyalen bɛ ka i yɛrɛ ka ɲininiw kɛ walisa ka jaabiw sɔrɔ.​—École du ministère mafilɛ ɲ. 36-7.]

JƐMU KƐCOGO ƝUMANW

1. Ka kow suman ni ɲɔgɔn ye ani ka baara kɛ ni kuma kɔrɔmaw ye (métaphores), mun na olu ye mɔgɔ kalan cogo barikaman ye? (Jen. 22:17; Zab. 1:3; Yak. 3:6) [be ɲ. 240 d. 2-4, tiiri kɛlen bɛ ka sɛbɛnni minnu lamini] Ka kow suman ni ɲɔgɔn ye ani ka baara kɛ ni kuma kɔrɔmaw ye, olu bɛ jaw lana an hakili la dakuruɲɛ dama dɔw dɔrɔn fɛ. Ni an bɛ baara kɛ ni u ye koɲuman, u bɛ se ka an kumaɲɔgɔn dusu minɛ, ani ka u dɛmɛ u hakili ka to an ka kuma fɔlen na kosɛbɛ ka tɛmɛ an ka kow lakalili dɔrɔn kan.

2. An bɛ se ka misaliw sɔrɔ yɔrɔ jumɛn na minnu bɛ se ka kalan ɲɛnama lase mɔgɔw ma, nka an ka kan ka an jan to mun na? [be ɲ. 242 d. 2-3] Misali caman bɛ sɔrɔ Ala ka kuma fiyɛlen kɔnɔ, mɔgɔ tɛmɛnenw kan. Yesu ye misali ta “Lɔti muso” kan ani “Nuhun tile” kan. (Luka 17:32; Mat. 24:37-​39) Ni an bɛ fɛn caman dɔn Bibulu kɔnɔ, an bɛ se ka baara kɛ ni o misali suguw ye. Ni an b’a fɛ ka misali ta bi ko dɔ kan, an ka kan ka a sɛgɛsɛgɛ walisa ka a dɔn ko tiɲɛ don, ko an bɛ ka a ta kuntilenna ɲuman de kama, ko an bɛ kuntilenna min nɔ fɛ, ko o misali tɛna an lamɛnbagaw hakili ta ka bɔ o kuntilenna fana kan.

3. An ka kan ka mun to an hakili la ni an bɛ misaliw sugandi minnu bɛ nɔ bɔ kosɛbɛ? [be ɲ. 244 d. 1-2] An ka misaliw ka kan ka kɛ an lamɛnbagaw kun kan. O b’a wajibiya an ka kow jateminɛ minnu bɛ kɛ an lamini na, ka lamɛnbagaw fana ka baaraw ni u ka laadalakow jateminɛ. (Marka 2:​22; 4:​2-9; Yuh. 10:​1-5)

4. Mun na an ka kan ka baara kɛ ni fɛn yetaw ye an ka mɔgɔ-kalan sen fɛ? Jehowa ye o kɛ cogo jumɛn na? [be ɲ. 247 d. 1-2, tiiri kɛlen bɛ ka sɛbɛnni minnu lamini] Ni an bɛ fɛn yetaw kɛ ka an yɛrɛ dɛmɛ kalan sen fɛ, o bɛ a to an lamɛnbagaw hakili ka jɔ kalan kan. Fɛn yetaw bɛ nɔ bila an lamɛnbagaw la ka tɛmɛ kuma dɔrɔn kan. Jehowa ye baara kɛ ni fɛn yeta caman ye i na a fɔ dolow, bɔgɔdaga-dilanna ka baarakɛyɔrɔ, barasun, ani finiso. (Jen. 15:5; Jer. 18:​1-6; Jonasi 4:​6-​11; Heb. 9:​9, 23, 24)

5. An bɛ se ka an yɛrɛ dɛmɛ ni fɛn yetaw ye cogo di foro baara sen fɛ? [be ɲ. 248 d. 1–ɲ. 249 d. 2] Fotow; karatiw; kow kɛra ka tugu-tugu ɲɔgɔn na cogo min na, o jadilannenw; jatebɔ minnu bɛ sɔrɔ an ka sɛbɛnw kɔnɔ; an bɛ se ka an sinsin olu kan ka a ɲini an kumaɲɔgɔn fɛ a ka ɲɛfɔli kɛ a ka fɛn yetaw kan. (Amos 7:​7, 8; 8:​1, 2) An bɛ se fana ka baara kɛ ni an ka wideyo-kasɛtiw ye walisa ka tiɲɛ kalan kɛ mɔgɔw kun.

KALANSEN FƆLƆ

6. Bilasirali jumɛn bɛ sɔrɔ Ala ka kuma kɔnɔ ka ɲɛsin denmisɛnw lamɔcogo ma? [w03 15/3 ɲ. 12 d. 2; ɲ. 14 d. 4] Yesu tun bɛ se ka sɛbɛn kalan, bawo k’a si to san 12 dɔrɔn na, a tun bɛ se ka baro ɲɛnama kɛ ni mɔgɔkɔrɔba kalannenw ye. (Luka 2:​42, 46, 47) A ye baara fana dege a lamɔfa Yusufu fɛ. A ɲininen bɛ bangebagaw fɛ u ka denmisɛnw “lamɔ ni Jehowa ka kololi ni a ka laadili ye,” ka u dɛmɛ o cogo la u ka kɛ mɔgɔ ye “’dɔnniya ka di’” minnu ye. (Efe. 6:4; Nta. 12:1)

7. Jehowa ye a jira cogo di ko a tun bɛ a mago don Dawuda denmisɛnnama la, ani cogo di Dawuda ye a jira ko ale bɛ a mago don Jehowa la? [w03 15/4 ɲ. 29 d. 3; ɲ. 30 d. 3] Jehowa ye Dawuda sugandi, ale min tun ye Jese den bɛɛ la fitinin ye, ka a kɛ Israɛl masakɛ nata ye bawo Jehowa ye Dawuda ka sekow kɔlɔsi. (1 Sam. 16:7) Dawuda fana tun hakili bɛ ale ni Jehowa cɛsira la, a tun b’a ɲɛsin Jehowa ma walisa a ka ale ɲɛminɛ. (Zab. 25:​4, 5)

8. Mun na Jehowa sɔnna Abɛl ka saraka la, ani o bɛ an bila ka da mun na? (Jen. 4:4) [w03 1/5 ɲ. 28 d. 4–ɲ. 29 d. 1] Hali ni Abɛl ka sarakabɔlen tun tɛ fɛnba ye, a tun bɛ a ɲɛnatɔmɔ ka bɔ a ka bagan bɛɛ la ɲumanw de cɛ la. A tun bɛ a ka fɛn bɛɛ la ɲuman de kɛ nilifɛn ye. I b’a sɔrɔ Abɛl miirila kosɛbɛ a ka saraka bɔta la bawo o tun bɛ a ka limaniya de jira. (Heb. 11:4) O bɛ an hakili latigɛ ko Jehowa bɛ sɔn an ka ‘tanuli sarakaw’ la ni an bɛ u kɛ ni limaniya sɛbɛ ye, ani ni an bɛ a di ni an ka dannaya bɛɛ ye. (Heb. 13:15)

9. Ntalenw 3:​11 bɛ a fɔ ko an kana an ban Jehowa ka kololi min ma, o ye mun ye? [w03 1/10 ɲ. 20 d. 2-4] O daɲɛw bɛ ka kuma kololi sugu min ko la, o ye min sinsinnen bɛ Ala ka sariyakolo kɔrɔtalenw kan. O kololi sira ka ca i ko​—bilasirali, kalan, mɔgɔdege, kɔrɔfɔli, latilenni hali ɲangili. Mɔgɔ man kan ka i ban u la ka a masɔrɔ u sinsinnen bɛ kanuya kan, min kun ye ka an kalan, ka dɔ fara an jogoɲuman kan, ka an nafa. (Heb. 12:11)

10. 1 Timote 6:​6-8 bɛ kuma “wasa” min ko la, o kɔrɔ ye mun ye? [w03 1/6 ɲ. 9 d. 1-2; ɲ. 10 d. 1] A kɔrɔ ye ko mɔgɔ ka i wasa don fɛnw la, ɲɛnamaya tɛ taa minnu kɔ, k’an jigi dalen to Jehowa de kan, ani ka an to baara la a ye, an cogoyaw mana kɛ fɛn o fɛn ye. An ka nafolomafɛnw mana kɛ fɛn o fɛn ye, Wasa bɛ nisɔndiya lase an ma, min bɛ sɔrɔ ni mɔgɔ bɛ Jehowa ka baara to jɔyɔrɔ fɔlɔ la.

DƆGƆKUN KƆNƆ BIBULUKALAN

11. Kanuya min tun bɛ Jonatan ani Dawuda cɛ o tun bɛ ko nata jumɛn de jira? (2 Sam. 1:​26) [w89 1/1 ɲ. 26 d. 13] Kanuyaba min tun bɛ Jonatan ani Dawuda cɛ o bɛ i ko kelenya min bɛ “saga wɛrɛw” ani saga kulu munnen tɔ cɛ, ka u kɛ “bagan kulu kelen” ye, “sagagɛnna kelen” ka ɲɛminɛ kɔrɔ, ni o ye Yesu ye. (Yuhana 10:16)

12. Dawuda ye a ɲini a siɲɛ fɔlɔ, ka na ni kankira ye Jerusalɛm cogo min na, o bɛ an kalan mun na? (2 Sam. 6:​2-9) (1) Ni an ye an ɲɛw tugu Ala ka ɲɛfɔliw kan, o bɛ na ni kasaara ye. (2) Hali mɔgɔ minnu ye cɛsira ɲuman don u ni Jehowa cɛ, a bɛ se ka kɛ ko tuma dɔw la olu kɛcogo tɛ ɲɛ gɛlɛya dɔw la. (3) Waati bɛɛ, an ka kan ka an ka donni da Jehowa kan. An man kan ka a jalaki gɛlɛyaw ko la minnu bɛ an sɔrɔ ka a sabu kɛ an yɛrɛw ka ɲɛtugu ye a ka ɲɛfɔliw ɲɛ. [2, w05 15/5 “ La Parole de Jéhovah est vivante : Points marquants du deuxième livre de Samuɛl ” ; w96 1/4 ɲ. 28 d 5–ɲ. 29 d 1]

13. Dawuda ani Batseba kɛlen kɔ ka jurumu kɛ, mun kosɔn u den tun ka kan ka sa ka sɔrɔ Duterɔnɔmɛ 24:16 ani Ezekiɛl 18:20 ka fɔ la, den man kan ka sa fa ka jurumu kosɔn? (2 Sam. 12:14; 22:31) Ni hadamaden kiritigɛlaw tun ye a ko kiri tigɛ, bangebagaw fara den kan, min bɛ wolonugu la, olu bɛɛ tun na bɔnɛ u ka ɲɛnamaya la. (Dut. 22:22) Dawuda bɔnɛnen den la, o tun bɛ a dɛmɛ a ka a faamuya cogo jɛlen na ko a ka jurumu ko goyara kosɛbɛ Jehowa ye fo ka se hakɛ min ma. Ani fana an t’a dɔn den tun ka kɛnɛ. Nka an bɛ se ka da a la ko Jehowa ye a ko ɲɛnabɔ ni tilennenya ye. [3, w05 15/5 “ Questions des lecteurs ” ; w86 15/3 ɲ. 31]

14. An bɛ a dɔn cogo di ko Ziba ye kuma min fɔ Mefibosɛt ko la ko o tun ye nkalon ye? (2 Sam. 16:​1-4) Mefibosɛt tun ye waleɲumandɔnbaga ni mɔgɔ majiginnen ye, o kosɔn natabaya jogo si tɛ se ka miiri ka ɲɛsin a ma. Siga tɛ a la ko a tun bɛ a fa Jonatan ka kantigiya kala ma. Hali ni Jonatan tun ye masakɛ Saul denkɛ ye, Jonatan tun sɔnna Dawuda la, ni majigin ye iko Jehowa ka masakɛ ɲɛnatɔmɔlen ka sigi Israɛl kun na. (1 Sam. 20:12-​17) Jonatan tun ye Dawuda teri kantigi ye. O kosɔn a tun tena a den kalan a ka a miiri ka kɛ masakɛ ye. [5, w02 15/2 ɲ. 15 (sɛbɛnni minnu bɛ kitabu dugumala la)]

15. Mefibosɛt ye min kɛ a ni Ziba ka ko la, mun na o ye misali ɲuman ye an bolo? (2 Sam. 19:24-​30) A dɔnnen ko Ziba ye nkalon de da Mefibosɛt la, Dawuda ye o nkalon ko latilen dɔɔnin dɔrɔn. Nka, o n’a ta o ta, Mefibosɛt ma Dawuda ka kuma sɔsɔ. A ye a sinsin fɛn kan min nafa tun ka bon kosɛbɛ, o ye ka nisɔndiya ko Israɛl masakɛ seginna ka na hɛrɛ la. Tiɲɛ yɛrɛ la, Mefibosɛt ye misali ɲuman jira a kɛlen ka a ka bana kun, ka nkalon kun, ka jigitigɛ kun. [6, w02 15/2 ɲ. 15 d. 12]