Fɛɛrɛ nɔgɔman ɲini ka kuma ni mɔgɔw ye
Ni an b’an mago don mɔgɔw la ni sɛbɛ ye, o bɛna an bila k’a u haminakow dɔn, ani k’a jira u la Masaya bɛna u ka kunkow ɲɛnabɔ ka ban cogo min na. (Fil. 2:4) Weleweledala caman y’a faamu ko ni u gɛrɛla mɔgɔw la, u bɛ se ka nɔ bɔ ni nin fɛɛrɛ nɔgɔman ye: k’a ɲini i kumaɲɔgɔn fɛ a ka ɲɛfɔli kɛ alijinɛ jaw kan minnu bɛ an ka sɛbɛnw kɔnɔ, i na a fɔ minnu sɔrɔyɔrɔ jiralen bɛ nin sɛbɛnfura kininboloyanfan fɛ. I bɛ se ka baara kɛ o cogo la ni nin kuma daminɛcogow dɔ la kelen ye:
◼ “Yala e bɛ se ka a miiri ko don dɔ hadamadenw na nin ɲɔgɔnna kow diya bɔ i na a fɔ a bɛ ja nin na cogo min na wa?”
◼ “A ka di an bɛɛ ye an denw ka kɛ nin diɲɛ sugu kɔnɔ i na a fɔ a bɛ ja in kan cogo min na. E fɛ mun de ka kan ka kɛ walisa u ka o sɔrɔ?”
◼ “Ni Ala sago kɛra dugukolo kan don min na, i na a fɔ a bɛ sankolo la cogoya min na, dugukolo bɛna kɛ yɔrɔ cɛɲumanba ye i ko a bɛ ja in kan cogo min na. Yala e ɲɛ bɛ fɛn dɔ la ja in kan min ɲɔgɔn tɛ ye bi-ɲɛnamaya kɛcogo la wa?”
◼ Yala a ka di e ye k’i ka ɲɛnamaya kɛ nin yɔrɔ sugu la wa? [Jaabi makɔnɔ.] Yala e miiri la ko nin bɛna kɛ an tile la wa?”
I kumaɲɔgɔn ka jaabi lamɛn kosɛbɛ, i ka ɲininkali kelen wala fila wɛrɛ kɛ k’a hakilila ɲini ka dɔn. Ni mɔgɔ dɔw y’i jaabi k’olu t’a fɛ ka ɲɛnamaya kɛ nin yɔrɔ suguw la, walima ni u ko k’olu dalen t’a la ko a bɛ se ka kɛ, i kana teliya k’a miiri k’u mago tɛ a la. A ɲini k’a dɔn ni fɛɛrɛ ye min y’u bila ka miiri ten. U bɛna ɲɛfɔli minnu kɛ i ye, olu bɛna a jira i la ko u bɛ jɔrɔ kosɛbɛ ni hadamadenw ka gɛlɛyaw ye, gɛlɛya minnu bɛ i ko ɲɛnabɔcogo tɛ u la.—Eze. 9:4.
N’i ye i kumaɲɔgɔn ka jɔrɔnanko dɔn, i bɛ i ka sɛbɛn-jiracogo kɛnyɛ ni o ye. Masaya kibaruya yɔrɔ min bɛ kuma a ka jɔrɔnanko kan, i sinsin o yɔrɔ kan. Bibulu tɛmɛsira kelen wala fila kalan a ye, minnu bɛ kuma a ka jɔrɔnanko kan. (Hakilila minnu bɛ kininbolo fɛ olu lajɛ.) A to a yɛrɛ ka a lajɛ Ala ka Kuma bɛ min fɔ. Ni i ye a ye ko a diyara a ye, sɛbɛn di a ma i ka fɛɛrɛ tigɛ walisa ka taa bɔ a ye ko kura. A tigilamɔgɔ ye diya min sɔrɔ aw ka ɲɔgɔnye fɔlɔ la, i ka to ka dɔ fara o kan.
[Box on page 6]
Alijinɛ jaw bɛ sɔrɔ yɔrɔ minnu na
Création gafe: ɲɛw 237, 243, 251
Enseignant gafe: ɲɛw 251-4
Dɔnniya gafe: ɲɛw 4-5, 188-9
Wajibiya gafenin: ɲɛw 11, 13
Paix véritable gafe: ɲɛ 98
Adorez Dieu gafe: ɲɛw 92-3
[Box on page 6]
Hadamadenw bɛ jɔrɔ ko minnu na bi
Surɔfɛn di, tilenbaliyako
Esayi 9:6, 7
2 Piɛrɛ 3:13
Mɔgɔfagakow, farinyakow
Zaburuw 37:10, 11;
Ntalew 2:21, 22
Saya, sukasi
Esayi 25:8;
Jirali 21:3, 4
Dusutiɲɛ
Zaburuw 34:8;
Esayi 65:17-19
Dumuni dɛsɛ, dun-ka-fa-sɔrɔbaliya
Zaburuw 72:16;
Esayi 25:6
Siyɔrɔ ko ani wariko gɛlɛya
Esayi 65:21, 22
Gɔfɛrɛnaman ka sentanya
Zaburuw 146:3, 4;
Daniɛl 2:44
Baganw minɛkojugu
Ntalenw 12:10
Jogotiɲɛ
2 Timote 3:1-5
Faantanya, mɔgɔ tɔɔrɔ
Zaburuw 72:12-14;
Eklesiaste (Waajulikɛla) 8:9
Tɔɲɔli, mɔgɔ-bɔ-ɲɔgɔnna
Esayi 11:3-5;
Kɛwalew 10:34, 35
Dugukolo tiɲɛli
Jirali 11:18
Bana, dɛsɛbagatɔya
Esayi 33:24; 35:5, 6
Kɛlɛbaw, binnkannijugu
Zaburuw 46:8, 9;
Mika 4:3, 4