Ladɔnniyaliw

◼ Sɛbɛn jirata Desanburukalo la: Le plus grand homme de tous les temps. Gafew ninnu fana bɛ se ka jira: La Bible :Parole de Dieu ou des hommes ? walima Recueil d’histoires bibliques, walima I bɛ se ka nyɛnamaya kɛ fɔ abada alijana kɔnɔ dugukolo kan. Zanwuyekalo la: Gafe o gafe dilanna ka sɔrɔ san 1988 ma se, ni o bɛ jɛkulu ka gafe mara yɔrɔ la o bɛ se ka jira. Ni o dɔ maralen tɛ aw bolo, aw k’a lajɛ ni sɛbɛn kɔrɔw tɔ bɛ aw kɛrɛfɛ jɛkuluw bolo u bɛ se ka minnu di aw ma. Gafe kɔrɔ maralen tɛ jɛkulu minnu bolo, olu bɛ se ka L’humanité à la recherche de Dieu gafe jira. Feburuyekalo la: Approchez-vous de Jéhovah. Ni o sɛbɛn maralen tɛ aw bolo, aw bɛ se ka La vie: comment est-elle apparue ? Évolution ou création ? walima La Révélation : Le grand dénouement est proche ! gafe jira. Marisikalo la: Dɔnniya min bɛ na ni ɲɛnamaya banbali ye. Cɛsiri kɛrɛnkɛrɛnnen ka kan ka kɛ walisa ka Bibulu kalanw daminɛ. Ni o sɛbɛn bɛ sokɔnɔmɔgɔw bolo kaban, Prêtons attention à la prophétie de Daniel ! gafe bɛ se ka jira.

◼ Nin ye hakilijigin ye ka ɲɛsin balimaw ma, minnu sigilen bɛ jɛkulu ka jatebɔ kunna, ko bolomafara minnu bɛ bila buwatiw kɔnɔ Diɲɛ mumɛ ka baara ani Masaya sow jɔli kama, wajibi don o bolomafaraw ka bila ka taa, wa a man kan u ka ta ka kɛ masaya so luwanze sara ye, walima jɛkulu ka musaka wɛrɛ ye.

◼ Mɔgɔ wele sɛbɛnw minnu bɛ di san 2004 hakilijigin kama, olu bɛna ci jɛkuluw ma sɔɔni ka kɛɲɛ ni u ka kan fɔtaw ye. Ni kan wɛrɛw bɛ fɔ aw ka waajulikɛyɔrɔ la, ni aw b’a fɛ ka wele sɛbɛn sɔrɔ o kan ninnu na, o ɲinini ka kan ka daminɛ teliya la Demande de publications (S-14) kɔnɔ, n’o ye gafe ɲini sɛbɛn ye. Mɔgɔw wele sɛbɛnw bɛ se ka sɔrɔ kan minnu na, olu bɛna sɔrɔ “Avis aux congrégations” (Kunnafoni ka ɲɛsin jɛkuluw bɛɛ ma) sɛbɛn kɔnɔ, o min bɛ ci jɛkuluw bɛɛ ma kalo o kalo. Kan minnu bɛ fɔ aw ka waajulikɛyɔrɔ la, aw ka wele sɛbɛnw ɲini o kanw dɔrɔn na.

◼ Aw k’a to aw hakili la ko san 2005 Hakilijigin bɛna bɛn Alamisa don de ma Marisikalo tile 24, tile binnen kɔ. Nin kunnafoni bɛ kɔn ka di walisa balimaw ka se ka Hakilijigin kɛyɔrɔw wɛrɛw maminɛ walima ka bɛnkanw sɔrɔ hakilijigin kɛyɔrɔ wɛrɛw ko la, ni a sɔrɔla ko jɛkulu caman jɛlen bɛ masaya so kelen na, ni o bɛna u diyagoya ka yɔrɔ wɛrɛw ɲini. Nin ko ɲɔgɔnnaw na, maakɔrɔw ka kan ka bɛnkan ɲini ni yɔrɔ tigiw ye, ko tɔɔrɔko wɛrɛw si tɛna kɛ o yɔrɔ la, walisa Hakilijigin ka se ka kɛ lafiya ani kɛcogo ɲuman na. Waati yɛrɛ nafa bonya kosɔn, maakɔrɔ kulu wajibiyalen bɛ ka maakɔrɔ kelen walima maakɔrɔ damadɔ woloma, minnu bɛ se, olu ka kɛ Hakilijigin jɛmukan fɔbagaw ye sanni u ka to k’a bɔ ɲɔgɔn kɔrɔ dɔrɔn walima ka to ka balimakɛ kelenpe de bila o la san o san. Ni maa munnenw cɛman maakɔrɔ bɛ yen min bɛ se ka jɛmukan di, o tigi ka kan ka ta ka kɛ jɛmukan kɛbaga ye.

◼ K’a daminɛ Marisikalo tile 15 la, san 2004, ka na a bila san 2005 Mɛkalo tile 16 la, jɛkulu ka gafe kalan bɛna kɛ Approchez-vous de Jéhovah gafe kan. Jɛkulu minnu mago bɛ gafe in caman na, olu ka kan ka o ɲini joona-joona.

◼ Samiyɛ waati, funteni ka bon Senegali. Nka, o ma dɔ bɔ Senegali weleweledala 64 ka timinandiya la minnu kɛra tutigɛbaga farankanw ye Utikalo tɛmɛnen na. Ni olu farala tutigɛbaga basigilenw ani tutigɛbaga kɛrɛnkɛrɛnnenw kan, a bɛɛ lajɛlen bɛ bɛn weleweledala 197 ma, minnu y’u sen don waati-bɛɛ-cidenyabaara ko dɔw la. Kɛmɛ-kɛmɛ saradali la o bɛ bɛn 21 ɲɔgɔnna ma ni Weleweledala bɛɛ farala ɲɔgɔn kan minnu ye dantigɛli sɛbɛn di Utikalo la. O cogo la, san cidenyabaara kɛra ka dafa cogo cɛɲi na. Siga t’a la denmisɛn caman sababu la nin sera ka kɛ, bawo u y’u ka kalanbilawaatiw ta ka dɔ fara u ka cidenyabaara kan.

◼ Gine Bisawo jamana na, n’i ye weleweledala bɛɛ ka Bibulu kalanw hakɛ fara ɲɔgɔn kan, ka sɔrɔ ka o tila u ni ɲɔgɔn cɛ, weleweledala kelen-kelen bɛɛ bɛ Bibulu kalan 2,5 hakɛ de sɔrɔ Utikalo la. O ka bon ka tɛmɛ a bɛɛ kan kabini Feburuyekalo san 2002. Nin bɛ u ka alako siniɲɛsigi ɲumanw de kofɔ.