Ala-ka-marako Cidenyabaara Kalanso Dalafɔ-seginnkanni — Watchtower BIBILIYOTƐKI INTƐRINƐTI KAN

Ala-ka-marako Cidenyabaara Kalanso Dalafɔ-seginnkanni

Ɲininkali nataw jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Zuwɛnkalo tile 30 nan dɔgɔkun kɔnɔna na, san 2003. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Mɛkalo tile 5 ka na a bila Zuwɛnkalo tile 30 na, san 2003. [Kɔlɔsili: Ni ɲininkali dɔ kɔfɛ, yɔrɔ ma fɔ tali bɛ se ka kɛ min na, i ka kan ka i yɛrɛ ka ɲinini kɛ walisa ka jaabiw sɔrɔ.—⁠École du ministère mafilɛ ɲ. 36-7.]

JƐMU KƐCOGO ƝUMANW

1. Mun na kumakan yɛlɛn-ka-jigin nafa ka bon n’an bɛ jɛmu fɔ, ani a bɛ dege ka ɲɛ cogo di? [be ɲ. 111 tiiri kɛlen bɛ ka sɛbɛnni minnu lamini; ɲ. 112 tiiri kɛlen bɛ ka sɛbɛnni minnu lamini.] Kumakan yɛlɛn-ka-jigin ɲuman bɛ jɛmu kɛ baro ɲɛnama ye. A bɛ don mɔgɔ dusukun na, ka mɔgɔ bila wale la. Nka, ni kumakan yɛlɛn-ka-jigin bɛ jɛmu min jɛ, a bɛ kɛ iko jɛmu kɛbaga dusukun tɛ a ka jɛmu na. Kumakan yɛlɛn-ka-jigin ɲuman bɛ sɔrɔ, ni mɔgɔ bɛ to ka a kan kɔrɔta, ani ka a kan jigin, ka kuma bolisen yɛlɛma-yɛlɛma, ka kumacogo yɛlɛma-yɛlɛma.

2. Hali ni kumafɔbaga dalen bɛ a ka kuma fɔta la ani n’a bɛ Jehowa kanu, o bɛɛ n’a ta, mun na a bɛ se ka dɛsɛ ka kuma ni nisɔndiya ye? [be ɲ. 115 d. 3-4; ɲ. 116 d. 1] Kumafɔbaga bɛ dɛsɛ ka kuma ni nisɔndiya ye, ni a y’a ka kuma fɔta dɔrɔn labɛn, nka ni a ma a dusukun labɛn, k’a yɛrɛ bɛɛ di jɛmu na. (Esdrasi 7:10) Kumafɔbaga ka kan ka da a la ko a lamɛnbagaw mago bɛ a ka kuma fɔtaw la.

3. Mun de bɛ mɔgɔ dɛmɛ ka kuma ni dusumandiya ye ani k’a jira ko an lamɛnbagaw ko ka di an ye? Mun na o nafa ka bon? [be ɲ. 119 d. 1-4] Ka dusumandiya jira ani k’a jira ko an lamɛnbagaw ko ka di an ye, o bɛ se ka kɛ ni an b’a fɛ ka lamɛnbagaw dɛmɛ. Mɔgɔ kumakan ani mɔgɔ ɲɛda kɛcogo bɛ se ka dusumandiya jira, ani k’a jira ko an lamɛnbagaw ko ka di an ye. O nafa ka bon kosɛbɛ n’an b’a fɛ k’an lamɛnbagaw dusukun sɔrɔ.

4. Ka kuma ni nisɔndiya ye, ani ni dusumandiya ye ani ka kumacogo wɛrɛw kɛ minnu bɛnnen bɛ jɛmu na, o bɛ kɛ cogo di? [be ɲ. 120 d. 2-5] Tuma caman o bɛ kɛ ka bɛn barokun de ma. Yali jalaki kuma de bɛ ka fɔ wa, wala mɔgɔ-dɛmɛ-kuma? Kuma fɔbaga ka kan ka a jan to daɲɛw ani miiriyaw kɔrɔ la, nka ani fana a bɛ fɔ ni dusukunnata min ye. (Matiyu 23 ani Jenɛse 44 suma ni ɲɔgɔn ye.)

5. Tiɲɛ don wa walima tiɲɛ tɛ: Bolow ani ɲɛda lamagali nafa ka bon dɔrɔn ni mɔgɔ lamɛnbagaw bɛ ka a filɛ. Ɲɛfɔli kɛ. [be ɲ. 121 d. 3] Tiɲɛ tɛ. Hali ni i lamɛnbagaw ɲɛ tɛ i la. Ni i ye bolow ni ɲɛda lamagacogo bɛn, i kumakan bɛ i ka kuma fɔta nafa jira ani i dusukunnataw fana.

KALANSEN FƆLƆ

6. Mun de ye Josiyasi dɛmɛ a ka sira ɲuman ta hali k’a sɔrɔ a ka denmisɛnya gɛlɛyala a bolo? (2 Til. 34:1, 2) [w01 15/4 ɲ. 27 d. 1-6; ɲ. 28 d. 4] A mɔkɛ Manasɛ ka nimisa ye nɔ ɲuman min bila; a ye “sariya kitabu kɔnɔ kuma” lamɛn; yɛrɛmajiginnenya jogo; a ye bonyaba min da Jehowa ka kiraw n’u ka kuma kan; a jɔlen tun bɛ a kan ka Ala ka sira ta; (2 Til. 33:10-13; 34:19-33)

7. Ntalenw 9:7, 8a kɔrɔ ye jumɛn ye, ani an bɛ se ka baara kɛ ni o ye foro cidenyabaara la cogo di? [w01 15/5 ɲ. 29 d. 4-5] O tɛ hakilitigiya ye k’a ɲini ka Ala ka tiɲɛ kuma kalan kɛ mɔgɔ kun min t’a bonya wala min b’a kɔniya wa min bɛ kalan kɛ a kun, ni a bɛ o mafiɲɛya. An ka cidenyabaara la, an bɛ a ɲini ka mɔgɔ tilennen dusukun sɔrɔ ni Masaya kibaru duman ye. An tɛ an sen don sɔsɔliw la wala kumaw la ni nparabɔlaw ye.

8. Jehowa hakili tun bɛ mun na tuma min a y’a fɔ Israɛl mɔgɔw ye ko ‘aw kana na ɲinɛ,’ ani an bɛ mun kɛ walisa an kana na ɲinɛ? (Dut. 4:9; 8:11) [be ɲ. 20 d. 1-3] Israɛl mɔgɔw tun man kan ka u yɛrɛ bɛɛ di u ka nafa ɲini siraw ma fo k’u ɲinɛ Jehowa ka ko kɛlen kɔ ka ɲɛsin u ma. Ka Bibulu kalan tuma bɛɛ ani ka kalanjɛ kɛ ani ka i sen don jɛkulu ka lajɛw la, ani ka kɛ foro kɔnɔ cidenyabaara la, o b’an dɛmɛ an ka Jehowa don an ka ɲɛnamaya ko bɛɛ la.

9. Cogo di Dawuda ye min fɔ Zaburu 32:1, 5 ani Zaburu 51:12, 17 kɔnɔ, o bɛ a jira ko ni mɔgɔ dɔ ye jurumuba kɛ, o tigi man kan k’a miiri ko nafa si tɛ ale la, nka a ka kan ka nimisasɛbɛ de jira? [w01 1/6 ɲ. 30 d. 1-3] Dawuda ye lafiya sɔrɔ a kɛlen kɔ k’a jɔ a ka jurumu kɛlen na, ka sɔn a kɔmana ma, a ma jo sɔrɔ sira ɲini Jehowa ɲɛkɔrɔ, wala yɛrɛ a ma a ɲini ka mɔgɔ wɛrɛ jalaki. A y’a jira ko a bɛna a cɛsiri a ka baara fɛ Jehowa ye, ni Jehowa ka dɛmɛ ye, k’a dusukun saniya, ka sira ɲuman ta ko kura.

10. An bɛ se ka kalan jumɛn sɔrɔ ka bɔ Pol ka kuma na min bɛ 1 Timote 5:3-16 na ni a bɛ kuma dɛsɛbagatɔw dɛmɛli kan? [w01 15/6 ɲ. 11 d. 1] Jɛkulu ka kan k’a jan to dɛsɛbagatɔw ni musokɔrɔbaw la minnu cɛw salen don; minnu somɔgɔ ye dɛsɛbagatɔ ye, olu ka kan k’u seko bɛɛ kɛ u dɛmɛni na; muso-cɛ-salenw ka dɛmɛ dulonnen bɛ ko dɔw dafali la.

BIBULU KALAN MIN BƐ KƐ DƆGƆKUN O DƆGƆKUN

11. Yesu tun bɛ ka miiri mun na a kɛlen ka kuma “bange ko kura” kan, ka bɛn Yuhana 3:3 ma? [w95 1/7 ɲ. 9-10 d. 4-5] Yesu tun bɛ ka miiri min na o ye ka bange hakili senu fɛ. O wolo cogo kelenpe fɛ, cɛ dafabali dɔw ni muso dafabali dɔw, bɛ don jɛ kɛrɛnkɛrɛnnen la ni Jehowa ye. U bɛ kɛ Jehowa denw ye. O bɛ sira dayɛlɛ u ye u ka ciyɛn sɔrɔ sankolo la kɔfɛ.

12. Yesu kalanna min na a ye mun kɛ ni o ye, ani an bɛ kalansira nafama jumɛn sɔrɔ ka bɔ o la? (Yuh. 7:15-18) [w96 1/2 ɲ. 9-10 d. 4-7] Yesu kalanna min na o bɔra Ala yɔrɔ, wa a ma o kalan kɛ k’a yɛrɛ sankɔrɔta, nka a ye o kɛ ka nɔɔrɔ da Ala kan. O bɛ an kalan an k’a faamu ko kalan man kan ka kɛ ka nɔɔrɔ da an yɛrɛ kan, nka a bɛ kɛ ka Jehowa de tanu.

13. Mun na Yuhana 7:53–8:11 ma sɛbɛn Traduction du monde nouveau sɛbɛnni belebelew yɔrɔ la? Pan kɛra o tɛmɛsiraw kan Bibulu bayɛlɛmalen fɔlɔw caman kɔnɔ. A jɛlen don k’o tɛmɛsiraw sen tɛ Kibaru Duman na, Yuhana ye min sɛbɛn. Siga bɛ u la ani fana a fiyɛlen tɛ hakili senu fɛ. [it-1 ɲ. 1246 d. 5]

14. Kɔrɔ jumɛn na Yesu nana ‘o cogo kelen na’ iko a taara sankolo kɔnɔ cogo min na? (Kɛw. 1:11) [w90 1/6 ɲ. 11 d. 5] Yesu ka kalandenw dɔrɔn de ye a taatɔ ye, o cogo kelen de la Jehowa Seerew dɔrɔn de bɛ a kalama ko a ka kɔseginni yebali ani a ka nbɛyan waati daminɛna kabini san 1914.

15. Mun kosɔn “mɔgɔ dɔ wɛrɛw ma u ja gɛlɛya ka don [kalandenw] la,” Kɛwalew 5:13 ka fɔ la? Ananiyasi ni Safira kofɔli ani u fagali min kɛra u ka filankafoya ni u ka tilenbaliya jogo kosɔn o kɛra kankari da misaliba ye. O kɔfɛ ŋaniyajugu bɛ mɔgɔ minnu na, olu si ja ma gɛlɛya ka tugu kalandenw nɔfɛ. [w90 1/6 ɲ. 14 d. 22-3]