Ladɔnniyaliw

◼ Gafe jirataw Zanwuyekalo la: Gafe o gafe ɲɛw hakɛ ye 192 ye, ni a dilanna san 1988 ɲɛ, o bɛ se ka jira. O gafe tɛ jɛkulu minnu bolo, olu bɛ se ka L’humanité à la recherche de Dieu jira. Feburuyekalo la: Gafe kura min bɔra, n’o ye Approchez-vous de Jéhovah ye, o bɛna jira. O gafe tɛ jɛkulu minnu bolo fɔlɔ, olu bɛ se ka baara kɛ ni Création, walima Révélation: dénouement gafew ye. Marisikalo la: Dɔnniya min bɛ na ni ɲɛnamaya banbali ye gafe jira. Cɛsiri kɛ walisa ka Bibulu kalanw daminɛ. Awirilikalo ni Mɛkalow la: La Tour de Garde ni Réveillez-vous! jira. Ni an bɛ ka segin-ka-bɔnyew kɛ mɔgɔw fɛ kibaru duman ka di minnu ye, an k’an jija ka Adorez le seul vrai Dieu gafe bila u bolo. Cɛsiri bɛɛ ka kan ka kɛ walisa ka Bibulu kalanw daminɛ ni mɔgɔw ye, kɛrɛnkɛrɛnnenya la, minnu ye Dɔnniya gafe, ani Wajibiya gafenin kalan kɛ ka tɛmɛn.

◼ K’a daminɛ Feburuyekalo la, a mɛnnenba kana tɛmɛn Marisikalo tile 2 nan kan, kafo lakɔlɔsibagaw bɛna foroba jɛmu kura min kɛ, o tɔgɔ ko: “Kisili ka bɔ diɲɛ dibiman na.”

◼ Jɛkuluw ka kan ka labɛnw kɛ ka ɲɛsin Hakilijigin ma, o min bɛna kɛ ɲinan Arabadon na, Awirilikalo tile 16, tile binnen kɔ. Hali ni jɛmu bɛna daminɛ joona, taamasiyɛnw tɛmɛnni man kan ka daminɛ fo tile binnen kɔfɛ. Tile bɛ bin lɛrɛ min na, aw ka yɔrɔ la, aw ka ɲini k’o dɔn sigida faamaw fɛ. Ni jɛkulu caman jɛlen bɛ Masaya So kelen na yɔrɔ minnu na, laala, jɛkulu kelen, walima jɛkulu damadɔw bɛ se ka yɔrɔ wɛrɛ sɔrɔ o su kama. Ni a bɛ se ka kɛ yɔrɔ min na, an b’a ɲini aw fɛ, aw ka sanga 40 don lajɛw ni ɲɔgɔn cɛ walisa bɛɛ ka se ka nafaba sɔrɔ o ko la. Jateminɛ ka kan ka kɛ fana bolifɛnw, ani u jɔyɔrɔ ko la, ka fara mɔgɔw tali ni u jiginni ko la. Maakɔrɔw ka kan ka kow labɛn cogo la min bɛna fisaya kosɛbɛ u ka sigida la.

◼ K’a daminɛ ni nin bɔko ye, sɛbɛn kura minnu bɛ se ka sɔrɔ, olu tɔgɔ tɛna sɛbɛn tun An ka Masaya Cidenyabaara kɔnɔ. Kunnafoni sɛbɛn min ye ko “Ladɔnniyali min ɲɛsinnen bɛ jɛkulu bɛɛ ma,” i bɛna sɛbɛn kura tɔgɔw sɔrɔ o kɔnɔ, wa o sɛbɛn bɛna to ka ci jɛkulu bɛɛ ma kalo o kalo. An ka to an kɔnɔ ko, ni jɛkulu ye o sɛbɛn sɔrɔ tuma min na, o bɛna fɔ baara ka lajɛ nata la. Kunnafoni nafamaw bɛna woloma ka bɔ o kɔnɔ, ka kɛɲɛ ni jɛkulu magow ye, k’o lase an ma. O kɔfɛ, ladɔnniyali bɛ se ka nɔrɔ kunnafoni walan kan. O ko bɛɛ kɔfɛ sa, balimakɛ min bɛ sɛbɛn koɲɛnabɔli la, o ka kan k’o bila sɛbɛnw bɛ mara sɛbɛnba min kɔnɔ.