Fɛn minnu ka kan ka to an hakili la, ka Hakilijigin don ɲɛsigi

Ɲinan Hakilijigin bɛ bɛn Alamisadon ma, Marisikalo tile 28. Maakɔrɔw ka kan k’u hakili to nin fɛnw na:

◼ Ka lajɛ waati sigi. Ka jɛya a la ko taamasiyɛnw tɛna tɛmɛ fo tilebin kɔfɛ.

◼ Mɔgɔ kelen-kelen bɛɛ, ka fara kumana kan, olu ka kan ka ladɔnniya lajɛ kɛwaati jɔnjɔn ani a kɛyɔrɔ la.

◼ Nbuuru ni duwɛn sugu minnu bɛnnen don, olu ka kan ka labɛn ka bila.—San 1985 Feburuyekalo tile 15 La Tour de Garde ɲɛw 19 lajɛ.

◼ Mɔgɔ minnu sugandira, olu ka kan ka na joona ni asiyɛtiw ye, ani wɛrɛw, ani tabali n’a fini bɛnnen ye, lajɛ kɛyɔrɔ la walasa k’u bila u yɔrɔ la.

◼ Masaya So, walima lajɛ bɛ kɛ yɔrɔ min na, o yɔrɔw ka kan ka saniya joona, wa k’a kɛ ka ɲɛ fana.

◼ Mɔgɔw kunbɛnbagaw ani taamasiyɛnw latɛmɛbagaw ka kan ka kɔn ka sugandi. U ka kan ka kɔn ka kunnafoniw sɔrɔ u ka baara kɛtaw n’a kɛcogo ɲuman kan. U ka finidoncogo ani u kun kuafe cogo ka kan ni danbe min ye, u ka kunnafoni sɔrɔ o fana kan.

◼ Ni mɔgɔ munnen dɔ man kɛnɛ, n’a tɛ se ka na Hakilijigin na, labɛnw ka kan ka kɛ walasa a ka taamasiyɛnw sɔrɔ.

◼ Ni jɛkulu caman ka lajɛw bɛ kɛ Masaya so kelen kɔnɔ, u ka kan ka kow labɛn cogo ɲuman na u ni ɲɔgon cɛ walasa ka ɲɔgɔndegun fu bali donda la, tɛmɛsira, sennamɔgɔw tɛmɛyɔrɔ, ani mobiliw jɔyɔrɔ la.