Yali Annuaire gafe dɔw bɛ i ka gafelamarayɔrɔ jɛ wa?

Annuaire des Témoins de Jéhovah gafe, n’o ye Jehowa Seerew ka san o san gafe ye, a bɛɛ kelen-kelen kalan ka di mɔgɔ ye kosɛbɛ k’a sababu kɛ a ka maana nafamaba caman ye. Ka Masaya wajulibaara kibaruw kalan ka bɔ diɲɛ yɔrɔ caman na, o bɛ an lasabati, ka dɔ fara an ka dannaya kan Jehowa ka bilasirali n’a ka lakanani n’a ka dubaw la. Annuaire gafe bɔko minnu bɛ an bolo Faransikan na, o ye san 1992 ta ka ta bila san 1999 ta la. Angilɛkan na, o ye san 1986 ta ni 1987 ta ani 1990 sanw taw ye ka ta bila 2000 ta la. Masaya baara tariku min bɛ dusu don mɔgɔ kɔnɔ, o bɛ o Annuaire gafew kɔnɔ nin jamanaw kan: Alimaɲe, Angilɛteri, Benɛn, Bolivi, Berezil, Cipre, Cekɔslovaki, Danemarki, Fɛnlandi, Gɛrɛsi, Gadelupe, Hayiti, Hawaii, Hɔndurasi, Hɔngiri, Kolonbi, Keniya, Madagasikari, Malawi, Malɛsi, Martiniki, Mekisiko, Mozanbiki, Pɛyi-Ba, Nizeriya, Paragiweye, Polɔɲe, Porto Riko, Salomɔn ka gunw, Suriname, Suɛdi, Siwisi, Tayilandi, Tirinidadi, Urugiweye, Venezuwela ani Zapɔn. Mun na i tɛn’a lajɛ ni nin Annuaire bɔkow dɔ la kelen walima caman bɛ i tɔgɔla gafelamarayɔrɔ jɛ? Ala-ka-marako Cidenyabaara Kalan lakɔlɔsibaga fana ka kan ka Masaya So ka gafelamarayɔrɔ sɛgɛsɛgɛ o kun kelen na. Weleweledalaw bɛɛ, walima jɛkuluw bɛɛ minnu b’a fɛ ka nin Annuaire gafew sɔrɔ, olu bɛ se k’u ɲini jɛkulu ka sɛbɛnw baarakɛla sababu fɛ.