I bɛ se ka nafa bɔ kosɛbɛ nin Bibulukalan in na cogo min na
A lajɛ fɔlɔ kalansenw labɛnnen bɛ cogo min na nin ja in sababu fɛ, o kɔ a’ye WIDEYO lajɛ.
YƆRƆ FƆLƆ
Walasa ka kalansen kelen-kelen bɛɛ labɛn, u yɔrɔ fɔlɔ kalan. Ɲininkali kunbabaw (A) ani tɛmɛsiraw (B) bɛ yɔrɔ kolomaw labɔ. A jateminɛ, a fɔra ko ka tɛmɛsira dɔw “kalan.”
YƆRƆ FILANAN
Ɲɛbilakuma (C) min bɛ Dɔ fara i ka dɔnniya kan duguma, o b’a ɲɛfɔ kalan bɛna kɛ fɛn min kan. Barokun denninw (D) bɛ yɔrɔ kolomaw jira. I ni i kalanbaga ka tɛmɛsiraw kalan, ka ɲininkaliw jaabi ani ka wideyow lajɛ.
WIDEYO dilenw bɛ kalansen hakilinaw dafa. Wideyo dɔw bɛ kow fɔ minnu kɛra tiɲɛ yɛrɛ la. Dɔw tɛ ko tigitigiw jira minnu kɛra walima mɔgɔ minnu ye o kow kɛ, nka u bɛ kow jira minnu bɛ se ka kɛ tiɲɛ yɛrɛ la.
Jaw ani sɛbɛnni (E) minnu bɛ u kɛrɛ fɛ, a’ye olu sɛgɛsɛgɛ. Ɲininkali min bɛ Mɔgɔ dɔw b’a fɔ ko (F) yɔrɔ la, i bɛna o jaabi cogo min na miiri o kan.
YƆRƆ SABANAN
Bakurubafɔli ani Seginnkanni (G) bɛ kalansen kuncɛ. Kalansen banna don min na, o dati sɛbɛn. A ɲini ka nin kɛ (H), o yɔrɔ la, fɛn dɔw bɛ di i ma, i bɛ baara kɛ minnu kan. I bɛ fɛn farankanw sɔrɔ Ninnu lajɛ (I) yɔrɔ la, a bɛ diya i ye ka minnu kalan walima ka u lajɛ.
Bibulu tɛmɛsiraw bɛ sɔrɔ cogo min na
Bibulu ye sɛbɛn dennin 66 de faralen ye ɲɔgɔn kan. A tilalen bɛ yɔrɔ fila de la: Heburukan ani Arameyɛnkan sɛbɛnniw ni o ye (“Layidu Kɔrɔ”) ye ani Gɛrɛkikan sɛbɛnniw ni o ye (“Layidu Kura”) ye.
Ni tɛmɛsira dɔ kofɔra nin Bibulukalan in kɔnɔ, o bɛ jira Bibulu kitabu (walima a sɛbɛn) tɔgɔ (A), a tilayɔrɔba (B), ani a tilayɔrɔdennin walima tilayɔrɔdenninw (C) de fɛ.
Misali la, Yuhana 17:3 bɛ Yuhana ka sɛbɛn tilayɔrɔba 17, tilayɔrɔdennin 3 de jira.