Tilanyɔrɔ 14nan dadonkumaw

Kerecɛn fɔlɔw ye Masaya kibaro diiman jɛnsɛn dugukolo faan bɛɛ la. Yezu y’a yira u la u ka ɲi ka waajuli kɛ yɔrɔ min na ani a ye kabako dɔ kɛ walisa u ka se ka mɔgɔw kalan u yɛrɛw ka kaan na. Jehova ye fanga ni jagwɛlɛya di u ma walisa ka kɔrɔbɔliba muɲu.

Yezu y’a to ciden Zan ye Jehova ka nɔɔrɔ ye yelifɛn dɔ la. Yelifɛn wɛrɛ la, Zan y’a ye ko Ala ka Masaya ye see sɔrɔ Sutana kan, k’a ka kuntigiya ban pewu. Zan ye Yezu ni a marakɛɲɔgɔn 144 000 ye u be masaya kɛra. A y’a ye fana dugukolo kuru bɛɛ kɛra alijɛnɛ ye, o min na bɛɛ be Jehova bato hɛɛrɛ la ni kaan kelen ye.