Tilanyɔrɔ 7nan dadonkumaw

Tilanyɔrɔ 7nan nin be kuma masacɛ Sayuli ani masacɛ Dawuda koo le la. Koo minw lakalila a kɔnɔ, u kɛra saan 80 ɲɔgɔn kɔnɔ. A daminɛ na, Sayuli tun majiginin lo ani a tun be siran Ala ɲɛ. Nka, a sɔɔn yɛlɛmana joona ani a banna ka mɛnni kɛ Jehova fɛ. O kama, Jehova banna a la ani a y’a fɔ Samuyɛli ye ko a ka Dawuda mɔ walisa k’a kɛ masacɛ ye Sayuli nɔɔ na. Ɲangoya kosɔn, Sayuli y’a ɲini siɲɛ caaman na ka Dawuda faga. Nka Dawuda m’a ɲini k’a yɛrɛ mɔnɛ bɔ abada. Sayuli dencɛ Zonatan tun b’a lɔn ko Jehova ye Dawuda lo sugandi k’a kɛ masacɛ ye. O kama, a ye kantigiya kɛ Dawuda ye. Dawuda ye jurumubaw kɛ, nka a ma ban Jehova ka kololi ma fewu. N’i ye bangebaga ye, i deen dɛmɛ a k’a faamu ko a kɔrɔtanin lo a ka kantigiya kɛ Jehova n’a ka lasigidenw ye.