Tilanyɔrɔ 6nan dadonkumaw

Israɛldenw labanna ka se Layidu jamana na tuma min na, fanibugu kɛra tiɲɛn batolikɛyɔrɔ ye u fɛ. Sarakalasebagaw tun be mɔgɔw kalan sariya koo la ani kititigɛlaw tun be jamana mɔgɔw ɲɛminɛ. Tilanyɔrɔ 6nan nin b’a yira ko an ka desizɔnw n’an ka kɛwalew be se ka nɔɔba to mɔgɔ wɛrɛw kan. Israɛlden kelen kelen bɛɛ tun ka ɲi k’a ka kunkanbaara dafa Ala n’a mɔgɔɲɔgɔn ta fan fɛ. Debora, Nawomi, Zozuwe, Anɛ, Zɛfite denmuso ani Samuyɛli ye nɔɔ min to u ka dugumɔgɔw kan, o ɲɛfɔ ka gwɛ. A yira ka gwɛ ko siya wɛrɛ mɔgɔ dɔw yɛrɛ y’a latigɛ ka jɛn ni Israɛldenw ye sabu u y’a lɔn ko Ala be n’u ye. U dɔw ye Rahab, Ruti, Yayɛli ani Gabawɔnkaw ye.