Tilanyɔrɔ fɔlɔ dadonkumaw

Duniɲa danna cogo min na, Bibulu be daminɛ n’o kuma lo ye. O kumaw b’an lasun ka miiri Jehova ka danfɛnw koo la minw be sankolo la ani dugukolo kan. N’i ye bangebaga ye, i deen dɛmɛ a ka miiri o danfɛn sifa caaman koo la, minw be mɔgɔ kabakoya. A dɛmɛ a k’a faamu ko Ala ye an dan ani a ye see di an ma an ka kuma, ka miiri, ka fɛɛnw dilan, ka dɔnkili la ani ka delili kɛ. O cogo la, a y’an fisaya kosɔbɛ bɛgɛnw ni kongosogow ye. A dɛmɛ a ka Jehova waleɲuman lɔn a ka sebagaya n’a ka hakilitigiya kosɔn. Min yɛrɛ kɔrɔtanin lo, a dɛmɛ a ka Jehova waleɲuman lɔn a ka kanuya kosɔn, a be min yira an kelen kelen bɛɛ la ani a ka danfɛn tɔɔw bɛɛ la.