ƝININKALI 10

Bibulu bɛ se ka ne dɛmɛ cogo di?

MUN NA NIN ƝININKALI BƐNNEN DON

Bibulu b’a fɔ ko: “Kitabu kuma bɛɛ kɛra a sɛbɛnnikɛlaw kɔnɔ Ala dafiɲɛ fɛ.” (2 Timote 3:16) Ni o ye tiɲɛ ye, o kɔrɔ ye ko Bibulu bɛ se ka ɲɛminɛlan di i ma i mago bɛ min na.

I BƐNA MUN KƐ?

I hakili jagabɔ nin ko in kan: Ka David to a ka mɔbili valan na, a ɲɛ bɛ a yɛrɛ la yɔrɔ la a tɛ yɔrɔ min cogoya dɔn fewu. A bɛ sirabada panow ni sow lajɛ minnu bɛ a lamini na, a b’a faamu o la, ko a bɛ yɔrɔ la a tun mankan ka kɛ yɔrɔ min na, fɔ cogo wɛrɛ la a tununnen don. K’a to a taa sira kan, a kɛlen bɛ sɔrɔ ka sira jugu dɔ de ta.

Ni e de tun ye David ye, e tun bɛna mun kɛ?

WAATI TA KA I HAKILI JAGABƆ!

I bɛ se ka fɛn caman kɛ:

Ka ɲininkali kɛ i taayɔrɔ ko la.
Ni karti walima GPS bɛ i bolo, i bɛ se ka o lajɛ walasa ka i taayɔrɔ dɔn.
I bɛ se ka ta’a fɛ ka boli, i jigi dalen a kan ko waati dɔ mana se i bɛ sɔn ka i ka sira ye.

Fɛn kɛta ninnu bɛɛ la, an b’a ye k’a fɔ ko C de nafa ka dɔgɔ dɔɔnin.

Fɛn kɛta B o nafa ka bon ni fɔlɔ ta ye. Bawo karti walima GPS bɛ se ka kɛ i kun tuma bɛɛ walasa ka i ɲɛminɛ.

Bibulu bɛ se ka i dɛmɛ o cogo kelen na!

O sɛbɛn min ɲɔgɔn tɛ yen, o bɛ se ka

i ɲɛminɛ ɲɛnamaya gɛlɛyaw waati la
i dɛmɛ ka caman dɔn i yɛrɛ kan ani ka i kɛ mɔgɔ ɲuman ye
a jira i la i bɛ se ka ɲɛnamaya kɛcogo ɲuman sɔrɔ cogo min na

ƝƐNAMAYA ƝININKALIW BƐƐ LA NAFAMAW JAABIW

Waati tɛmɛnnenw na, an tun bɛ ɲininkali dɔw kɛ ni o ye ko.

Mun na sankolo kulɛri ye bulama ye?
Dolow dilannen bɛ cogo di?

Taalen ɲɛ, an bɛ a daminɛ ka ɲininkaliw kɛ diɲɛ kɔnɔkow kan.

Mun na kojugu bɛ ka kɛ?
Mun na mɔgɔw bɛ sa?

Ni o dun y’a sɔrɔ nin jaabi ninnu bɛ Bibulu kɔnɔ kabini waati jan dun?

Mɔgɔ caman b’a fɔ ko Bibulu falen bɛ nsiirin de la, ko sɛbɛn sanga burunnen don walima k’a faamuya ka gɛlɛn ko jugu fana. Nka yala o gɛlɛya bɔra Bibulu de la wa, walima mɔgɔw bɛ min miiri Bibulu ko la? Walima yɛrɛ u ma kunnafoni ɲuman de sɔrɔ a kan?

Misali la, mɔgɔw b’a miiri ko Bibulu b’a fɔ ko Ala de bɛ ka diɲɛ mara. Nka o dun bɛ se ka kɛ cogo di? Nin diɲɛ in ɲagaminnenba don! Diɲɛ falen bɛ tɔɔrɔ kow la, bana ani saya kow, fantanya ani kasaaraw. Kanuya bɛ Ala min na o bɛ se cogo jumɛn na ka kɛ nin kow bɛɛ sababu ye?

Yala a ka di i ye ka o ɲininkali jaabi sɔrɔ wa? Bibulu bɛ min fɔ diɲɛ marabaga ko la, o bɛ se ka bali i la!

A bɛ se ka kɛ ko i y’a jateminɛ ko laadilikan minnu bɛ nin gafenin in kɔnɔ, ko olu sinsinnen bɛ Bibulu kan. Jehova Seerew dalen b’a la ko Bibulu ye ɲɛminɛlan ye mɔgɔ bɛ se ka da min na. Bawo Bibulu “kuma bɛɛ kɛra a sɛbɛnnikɛlaw kɔnɔ Ala dafiɲɛ fɛ. Nafa b’a la kalanni ni kɔrɔfɔli ni latilenni kama”. (2 Timote 3:16, 17) O sɛbɛn kɔrɔman min nafa ka bon halisa an ka waati la, e yɛrɛ ka o sɛgɛsɛgɛ i yɛrɛ ye!