Mun na jɛkulu bɛ Ala bolo?

1. Mun na Ala tun ye Israɛl-kɔrɔ labɛn?

Ala ye Ibrahima ka bɔnsɔn kɛ a ka jamakulu ye, ani ka a ka sariyaw di u ma. A ye “Israɛlkaw” wele ka ci don u bolo, k’u ka kɛ bato lakika ani a ka kuma kɔlɔsibaga ye. (Zaburu 147:19, 20) O de kosɔn dugukolo kan mɔgɔw bɛɛ tun bɛna se ka duba sɔrɔ ka bɔ Israɛl fɛ.—Jenɛse 22:18 kalan.

Ala ye Israɛlkaw sugandi u ka kɛ a Seerew ye. U ka tariku b’a jira cogo min na o mɔgɔw ye duba sɔrɔ u kɛlen ka Ala ka sariyaw bato. (Dutɛrɔnɔmɛ 4:6) O la Israɛlkaw sababu fɛ, dɔw tun bɛna se ka tiɲɛ dɔn Ala tiɲɛma kan.—Esayi 43:10,12 kalan.

2. Mun na Krecɛn lakikaw labɛnnen don?

Waati tɛmɛ na, Israɛlkaw ye mangoya sɔrɔ Ala fan fɛ, o kama Jehova ye Krecɛn jɛkulu bila Israɛlkaw nɔna. (Matiyu 24:43; 23:37, 38) Sisan ka u to Israɛlkaw nɔna, Krecɛn lakikaw bɛ baarakɛ iko Jehova seerew.—Kɛwalew 15:14, 17 kalan.

Yesu ye a ka kalandenw labɛn waajuli kɛli la, ani ka siyaw bɛɛ kɛ a ka kalandenw ye. (Matiyu 10:7, 11; 24:14; 28:19, 20). Sisan de, o baara bɛ ka se a dan na, nin diɲɛ sigicogo laban na. Kabini diɲɛ dara, nin ye a siɲɛ fɔlɔ ye tariku kɔnɔ, Jehova ka mɔgɔ miliyɔn caman lajɛ ɲɔgɔn kan ka bɔ siyaw bɛɛ la a ka bato lakika kɔnɔ. (Jirali 7:9, 10) Krecɛn lakikaw labɛnnen don walasa ka dusudon ɲɔgɔn kɔnɔ ani ka ɲɔgɔn dɛmɛ. Diɲɛ bɛɛ kɔnɔ, u ka lajɛw la u bɛ tugu Bibulu kalan bolodacogo kelen de kɔ.—Heburuw 10:24, 25 kalan.

3. Cogo jumɛn na Jehova Seerew ka jamakulu daminɛ na an ka bi donw na?

Kabini san 1870 jɛkulu deni dɔ ye a daminɛ ka Bibulu sɛgɛsɛgɛ, ka tiɲɛ siraw sɔrɔ a kɔnɔ, ɲinɛ tun kɛra minnu kɔ. U ye a faamu ko Yesu tun ye jɛkulu labɛn walasa u ka waajuli kɛ, o la u kɛra Masaya waajulikɛlaw ye diɲɛ bɛɛ kɔnɔ, mɔgɔ ladɔnniyali la. San 1931 la, u ye nin tɔgɔ ta ko: Jehova Seerew.—Kɛwalew 1:8; 2:1, 4; 5:42 kalan.

4. Jehova Seerew labɛnnen bɛ cogo di?

San kɛmɛ fɔlɔ la, krecɛn jɛkulu minnu tun sɔnna Yesu ma iko u kuntigi, olu tun bɛ nafa sɔrɔ ka bɔ ɲɛmɔgɔ kulu fɛ. (Kɛwalew 16:4, 5) O cogo kelen na, diɲɛ bɛɛ kɔnɔ Jehova Seerew bɛ nafa sɔrɔ ka bɔ ɲɛmɔgɔ kulu fɛ min kɔnɔ diinɛ makɔrɔ Kodɔnnabaw faralen bɛ ɲɔgɔn kan, u bɛ Jehova Seerew ka sɛbɛnw bayɛlɛmali, u sɛbɛn cogow, ani Bibulu kalan gafe minnu bɛ sɔrɔ kan 600 ni kɔ la, baaraw kɔlɔsi ani k’u jɛnsɛn. O la diɲɛ kɔnɔ jɛkulu 100 000 ni kɔ minnu bɛ, ɲɛmɔgɔ kulu bɛ u ɲɛminɛ a kɛtɔ ka dusu don u kɔnɔ. Jɛkulu kelen-kelen bɛɛ kɔnɔ diɲɛ maakɔrɔw walima kɔlɔsibagaw bɛ yen. O cɛw bɛ Ala ka jɛkulu ladon nin kanuya ye.—1 Piɛrɛ 5:2, 3 kalan.

Jehova Seerew labɛnnen don ka kibaru duman waajuli kɛ ani ka kalandenw kɛ. i n’a fɔ cidenw, u bɛ waajuli kɛ so ni so. (Kɛwalew 20:20) An bɛ Bibulu kalan ko fɔ mɔgɔ kɔnɔnajɛlenw ye minnu bɛ tiɲɛ kanu. Jehova Seerew tɛ jɛkulu dɔrɔn ye. An ye denbaya de ye, ni Fa kanuya bɛ min na. An ye balimakɛw ani balimamusow ye minnu bɛ u janto ɲɔgɔn na. (2 Tesalonikekaw 1:3) Kabini fɔlɔfɔlɔ la, Jehova ka jamakulu ye jɛkulu ye min labɛnnen don, walasa ka u kodiya Ala ye, ani ka mɔgɔ wɛrɛw dɛmɛ, u ye denbaya nisɔndiyalen lajɛlen ye dugukolo kan.—Zaburu 33:12; Kɛwalew 20:35 kalan.