2 Samuẹl
17 E Devid keghi so ihuan na, ya khiẹ Sọl kevbe Jonatan ne ovbi ẹre. 18 Ọ na vbe wẹẹ na ma Ivbi e Juda ihuan akhiẹ na, na tie ẹre “Uhanbọ,” ebe Jasia ẹre a gbẹn ọnrẹn yi: 23 E Sọl kevbe Jonatan, ikpia ne emwa hoẹmwẹ ọnrẹn ẹsẹse kevbe na gbegbe ẹre, ẹre iran khin vbe iran rre agbọn, okhian kẹ iran sẹ oghohọn, iran wegbe sẹ oduma. 24 Ikhuo ni rre Izrẹl, wa khiẹ Sọl. Irẹn ẹre ọ rhuan uwa ukpọn ododo esiesi, ọ keghi ya ikpẹrọnmwọ kevbe igoru mu uwa egbe. 25 Avbe iyokuo ni wegbe dele nẹ, a gbele iran vbe okuo, e Jonatan lovbiẹ, orinmwi ghi nọ vbe uhunmwu oke. 26 “I kakabọ khiẹ ruẹ, e Jonatan ne ọtẹn mwẹ, u miẹn vbe ẹmwẹ ruẹ te yẹẹ mwẹ hẹ! Ọyunnuan ẹre ahoẹmwọmwa ne u mwẹ ghee mwẹ te khin, ọ te sẹ ahoẹmwọmwa ọghe okhuo.