Gha Tie Avbe Okha Ni Rre Baibol Vbe Na Miẹn Wẹẹ U Rre Evba

Ma wa miẹn emwi kpataki ruẹ vbe avbe okha ni rre Baibol. U ghaa tie avbe okha ni rre Baibol vbe na miẹn wẹẹ, u rre evba, ọ ghi ru iyobọ nuẹn ya rẹn otọ emwi ne u tie. Gia guan kaẹn emwi eso nọ gha ru iyobọ nuẹn.

• Tie ẹre ladian. U ghaa tie Baibol ladian, ọ ghi wa yevbe na miẹn wẹẹ, u wa gele rre evba. Emwi nọ gha ru iyobọ ne uwa ya sẹtin ru ọna vbe uwa ghaa tie Baibol zẹvbe ẹgbẹe ọre wẹẹ, wa gha khian tie okha ne emwa ughughan na guan vbe Baibol, wa ghi we ne dọmwadẹ uwa gha tie emwi ne emwa ughughan vbe okha nii tae.

• Hia ne u ya ekhọe ruẹ zomwa rẹn, emwi nọ sunu vba. Hia ne u rẹn emwi ne ọmwa ne u tie vbekpa ẹre mu roro kevbe vbene emwi ye ẹre hẹ. Vbe igiemwi, u sẹtin nọ egbuẹ wẹẹ: ‘Vbọzẹ nọ na ta ẹmwẹ nọ tae ra vbọzẹ nọ na ru emwi nọ ru? Akpawẹ imẹ nọ de emwi ne I gha te ru?’

• Vinnọ efoto ọghe emwi ne u ruẹ re ye ebe. U gha vinnọ efoto ọghe emwi ne u ruẹ re ye ebe, ọ gha ru iyobọ nuẹn ya rẹn otọ okha nii vbe na miẹn wẹẹ, u rre evba vbe ọ sunu, ọ gha khọnrẹn wẹẹ, emwi ne u vinnọ ye ebe i mose.